fbpx

Life+News The Official News Portal of Independent Television Network Ltd

ජනපති සහ පොදුරාජ්‍ය මණ්ඩලීය මහලේකම්වරිය හමුවෙයි

ITN News Editor
By ITN News Editor සැප්තැම්බර් 21, 2023 09:56

ජනපති සහ පොදුරාජ්‍ය මණ්ඩලීය මහලේකම්වරිය හමුවෙයි

ජනාධිපති රනිල් වික්‍රමසිංහ මහතා සහ පොදුරාජ්‍ය මණ්ඩලීය මහලේකම් පැට්‍රිෂියා ස්කොට්ලන්ඩ් (Patricia Scotland) මහත්මිය අතර හමුවක් එක්සත් ජාතීන්ගේ මහ මණ්ඩල සැසිවාරයට සමගාමීව ඊයේ (20) නිව්යෝර්ක් නුවරදී සිදු වුණා.

ශ්‍රී ලංකාව සහ පොදුරාජ්‍ය මණ්ඩල මහලේකම් කාර්යාලය අතර පවතින සහයෝගීතාව මෙන්ම පසුගිය වසරේ රුවන්ඩාවේ පැවති පොදුරාජ්‍ය මණ්ඩලීය රාජ්‍ය නායක සමුළුවේ දී ගනු ලැබූ තීරණ ක්‍රියාත්මක කිරිම පිළිබඳව ද මෙහිදී සාකච්ඡාවට ලක් වුණා.

දේශගුණික විපර්යාසවලට මුහුණදීම සහ දේශගුණික මූල්‍යකරණය මෙන්ම සංවර්ධනය වෙමින් පවතින රටවලට මුහුණදීමට සිදුව තිබෙන අනෙකුත් අභියෝග පිළිබඳවද මෙහිදී අවධානය යොමු කෙරුණා.

මෙම කරුණු සම්බන්ධයෙන් පොදු ස්ථාවරත්වයක් ඇති කර ගැනීම සඳහා පොදු රාජ්‍ය මණ්ඩලය ක්‍රියාත්මක කර ඇති වැඩපිළිවෙළෙහි පෙරමුණ ගැනීමට ශ්‍රී ලංකාව සූදානම් බව ද  ජනාධිපති රනිල් වික්‍රමසිංහ මහතා මෙහිදී පැවසුවා.

ඩයස්පෝරා ප්‍රජාව සමඟ මල්බොරෝ හවුස් සංවාදයේ(Malborough House Dailogue) ප්‍රගතිය පිළිබඳව ද මහලේකම්වරිය මෙහිදී ජනාධිපතිවරයා දැනුවත් කළා.

විදේශ කටයුතු අමාත්‍ය අලි සබ්‍රි, ජනාධිපති ලේකම් සමන් ඒකනායක, එක්සත් ජාතීන්ගේ සංවිධානයේ ශ්‍රී ලංකා නිත්‍ය නියෝජිත මොහාන් පීරිස් යන මහත්වරුන් සහ පොදු රාජ්‍ය මණ්ඩලීය මහලේකම් කාර්යාලයේ ජ්‍යෙෂ්ඨ නිලධාරීන් පිරිසක් මෙම හමුවට එක්ව සිටියා.

 

 

ITN News Editor
By ITN News Editor සැප්තැම්බර් 21, 2023 09:56

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්