උග්‍ර විෂ මත්ද්‍රව්‍යයක් වන අයිස් මත්ද්‍රව්‍ය ජාවාරම් කරමින් සිටි 3න් දෙනෙකු පොලිස් විශේෂ කාර්ය බලකාය මගින් අත්අඩංගුවට ගෙන තිබෙනවා.
විශේෂ කාර්ය බලකායේ මොරටුව කඳවුරේ නිලධාරීන්ට ගුවන් හමුදා බුද්ධි අංශ නිලධාරීන්ගෙන් ලැබුණු තොරතුරකට අනුවයි මෙම වැටලීම සිදු කෙරුණේ.
ඒ අනුව මුල්ලේරියාව පොලිස් වසමේ ස්ථාන 3ක දී වැටලීම් සිදු කෙරුණා.
එහිදි අයිස් මත්ද්‍රව්‍ය ග්‍රෑම් 20යි මිලි ග්‍රෑම් 88ක් ළඟ තබා ගෙන සිටි මුල්ලේරියාව හා වැල්ලම්පිටිය ප්‍රදේශවල පදිංචි 3න් දෙනෙකු අත්අඩංගුවට ගැනුනා.
වැඩිදුර විමර්ෂණ සඳහා ඔවුන් මුල්ලේරියාව පොලිසියට භාරදුන් බවයි විශේෂ කාර්ය බලකාය පවසන්නේ.
