රාජ්ය අමාත්ය ඩයනා ගමගේ මහත්මියගේ පාර්ලිමේන්තු ධුරය අභියෝගයට ලක්කරමින් අභියාචනාධිකරණය හමුවේ ගොනුකර තිබූ පෙත්සමට අදාළ තීන්දුව අද (06) ප්රකාශයට පත්කිරීමට නියමිතව තිබෙනවා.
ඇයගේ මන්ත්රී ධුරය බලරහිත කරන රීට් ආඥාවක් නිකුත් කරන ලෙස සමාජ ක්රියාකාරිකයෙකු වන ඖෂල හේරත් මහතා පෙත්සම ගොනුකර තිබුණි.
එමඟින් දක්වා ඇත්තේ බ්රිතාන්ය පුරවැසිභාවය හිමි ඩයනා ගමගේ මන්ත්රීවරියට මෙරට ආණ්ඩුක්රම ව්යවස්ථාව අනුව පාර්ලිමේන්තු මන්ත්රීධුරයක් දැරීම සුදුසු නොවන බවය.
අදාළ මන්ත්රීවරිය බ්රිතාන්යයේ පුරවැසියෙකු බවට පෙත්සම මඟින් කරුණු ඉදිරිපත් කර තිබුණි.
ආගමන විගමන පාලකවරයා සහ නීතිපතිවරයා වගඋත්තරකරුවන් ලෙස නම්කර තිබූ පෙත්සම ද්විපුද්ගල විනිසුරු මඩුල්ලක් හමුවේ විභාගයට ගැණුනි.
ඒ අනුව අද තීන්දුව ප්රකාශයට පත්කිරීමට නියමිතය.