ආසියා සංවර්ධන බැංකුව ශ්‍රී ලංකාවට ඩොලර් මිලියන 350ක ණය ආධාර මුදලක් ලබාදීමට තීරණය කර තිබෙනවා.
ආර්ථිකය ගොඩනැංවීමේ ක්‍රියාමාර්ගයට සහායක් වශයෙනුයි මෙම ණය මුදල ලබාදීමට තීරණය කර ඇත්තේ.
ශ්‍රී ලංකාව මුහුණදී ඇති දරුණු ආර්ථික අර්බුදය සහ ඉහළ උද්ධමන තත්ත්වය සැලකිල්ලට ගනිමින් මෙම සහනය ලබාදීමට තීරණය කළ බවයි ආසියා සංවර්ධන බැංකුව පවසන්නේ.
දිළිදු ජනතාව මෙන්ම විශේෂයෙන් ඉන් පීඩාවට පත්වන කාන්තාවන් කෙරෙහි මෙහිදී වැඩි අවදානය යොමුකළ බව ආසියා සංවර්ධන බැංකුවේ සභාපති පවසා තිබෙනවා.
අයිඑම්එෆ් ණය මුදලට සමගාමීව මෙම ණය මුදල ලබාදීම තුළින් ශ්‍රී ලංකාවේ වත්මන් ආර්ථික අර්බුද ජය ගැනීමේ ක්‍රියාවලියට තමන්ද එක්ව සිටින බවයි ආසියා සංවර්ධන බැංකුව තවදුරටත් පවසන්නේ. මීට පෙර පොහොර සහ ඖෂධ ආදිය මිලදී ගැනීම සදහා ද ආසියා සංවර්ධන බැංකුව ආධාර කර තිබෙනවා.
