කළුතරදී 16 හැවිරිදි පාසල් සිසුවිය මියයාමේ සිද්ධියේ සැකකරුවන් 4 දෙනා අද අධිකරණයට ඉදිරිපත් කෙරුණා.
කළුතර පස් මහල් ගොඩනැගිල්ලකින් වැටී මිය ගිය 16 හැවිරිදි පාසල් සිසුවියගේ මරණය සම්බන්ධයෙන් රක්ෂිත බන්ධනාගාර ගත කර සිටි සැකකරුවන් 4 දෙනා දැඩි ආරක්ෂක රැකවල් මධ්‍යයේ කළුතර මහේස්ත්‍රාත් අධිකරණයට අද රැගෙන එනු ලැබුවා. මිය ගිය දැරිය හෝටලයට කැඳවා ගෙන ගිය යුවළ, හෝටලයේ හිමිකරුගේ බිරිද සහ ප්‍රධාන සැකකරුගේ රියදුරු ලෙස කටයුතු කළ පුද්ගලයායි මෙලෙස රැගෙන එනු ලැබුවේ. එම අවස්ථාවේ දැරියගේ මව ඇතුළු සියයකට වැඩි පිරිසක් අධිකරණ භූමිය ඉදිරිපිට නිහඩ විරෝධතාවක ද නිරත වුණා. මිය ගිය දැරිය සාධාරණය ඉටු කරනු යන මැයෙන් සදහන් පුවරුක් අතැතිවයි ඔවුන් විරෝධතාව සිදුකලේ.
