fbpx

Life+News The Official News Portal of Independent Television Network Ltd

මහර රැඳවියන් 11 දෙනාගේ මරණ අපරාධයක් – වැලිසර මහේස්ත්‍රාත්

hasiniek
By hasiniek අප්‍රේල් 27, 2023 21:45

මහර රැඳවියන් 11 දෙනාගේ මරණ අපරාධයක් – වැලිසර මහේස්ත්‍රාත්

මහර බන්ධනාගාරයේ රැඳවූවන් පසුගිය කාලයේ පැවැත්වු විරෝධතාවක දී ඔවුන්ට වෙඩි තබා 11 දෙනෙකු මරණයට පත්වීම අපරාධයක් බවට වැලිසර මහේස්ත්‍රාත් අධිකරණය තීන්දු කළා.

එම අපරාධයට සම්බන්ධ සියලු බන්ධනාගාර නිලධාරීන් වහාම අත්අඩංගුවට ගෙන අධිකරණයට ඉදිරිපත් කරන ලෙසට අපරාධ පරීක්ෂණ දෙපාර්තමේන්තුවට නියම කෙරුණා.

මරණකරුවන්ට වෙඩි වැදි ඇති ආකාරය අනුව කැරැල්ලක් මැඩපැවැත්වීම සදහා හෝ මානූෂිය මෙහෙයුමක් සදහා වෙඩි තැබූ බවක් පෙනෙන්නට නැති බවයි වැලිසර මහේස්ත්‍රාත් තුසිත ධම්මික උඩිවවිදාන මහතා සදහන් කලේ.

මරණකරුවන්ට වෙඩි වැදි ඇති ආකාරය අනුව සැලකීමේ දී කලහාකාරී අයුරින් හැසිරුණු බව කියන රැඳවූවන් විසුරුවා හැරීමට බන්ධනාගාර නිලධාරීන් වෙඩි තැබුවේ දැයි සැක මතුවන බව අදාළ නඩු විභාගයේ දී මහේස්ත්‍රාත්වරයා ප්‍රකාශ කළා.

කැරැල්ල මැඩ පැවැත්වීමට ඔවුන්ගේ දණ හිසින් පහළට වෙඩි තැබීමට අණදුන් බවට මෙම නඩු විභාගයේ දී සාක්ෂි ඉදිරිපත් වුණා. එහෙත් කිසිදු රැඳවූවෙකුගේ දණ හිසින් පහළට වෙඩි වැදී නොතිබූ බවයි මහේස්ත්‍රාත්වරයා ප්‍රකාශ කලේ.

hasiniek
By hasiniek අප්‍රේල් 27, 2023 21:45

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්