ලොව පුරා රටවලින් හමුවී ඇති සමස්ත කොරෝනා වයිරස ආසාදිතයින් සංඛ්‍යාව කෝටි 68 ඉක්මවා ඇති අතර සිදුව ඇති සමස්ත මරණ සංඛ්‍යාව ලක්ෂ 68 ඉක්මවා තිබෙනවා.
ගතවූ පැය 24ට පමණක් හමුව ඇති සමස්ත වයිරස ආසාදිතයින් සංඛ්‍යාව 135,000කට ආසන්නයි.
සිදුව ඇති මරණ සංඛ්‍යාව 694 ක්. ඊයේ දිනයේ දී වැඩිම ආසාදිතයින් සංඛ්‍යාවක් හමුව ඇත්තේ ජර්මනියෙන්.
එම සංඛ්‍යාව 21,000කට අධිකයි. එමෙන්ම ඇමෙරිකාව , ජපානය හා රුසියාවෙන් ආසාදිතයින් 13,000 බැගින් හමුව තිබෙනවා.
ගතවූ පැය 24ට සිදුව ඇති වැඩිම කොරෝනා මරණ සංඛ්‍යාව වන 158 වාර්තා වන්නේ ඇමෙරිකාවෙන්. ඒ සමඟම එරට සමස්ත කොරෝනා මරණ සංඛ්‍යාව එකොළොස් ලක්ෂ හතලිස් හයදහස ඉක්මවා ගියා.
