බහුදින ධීවර යාත්‍රාවක් තුළ ඉතා සූක්ෂම අයුරින් සගවාගෙන එන ලද හෙරොයින් කිලෝග්‍රෑම් 23 යි ග්‍රෑම් 235 ක් අත්අඩංගුවට ගැනීමට ශ්‍රී ලංකා නාවික හමුදාව සමත්වුණා.
මෙම හෙරොයින් තොගය සමග සැකකරුවන් 5 දෙනෙකු ද අත්අඩංගුවට ගෙන තිබෙනවා. මිරිස්ස ධීවර වරායට ආසන්න මුහුදු තීරයේදී මෙම අත්අඩංගුවට ගැනීම සිදුවුණේ. නාවික හමුදා නිලධාරීන්ට ලැබුණු බුද්ධි තොරතුරකට අනුව මෙහෙයුම සිදු කෙරුණා.
වැඩිදුර විමර්ශන සදහා සැකකරුවන් පොලිස් මත්ද්‍රව්‍ය නාශක කාර්යාංශය වෙත භාරදී තිබෙනවා. සැකකරුවන් මිරිස්ස, කඹුරුගමුව සහ පිටිගල ප්‍රදේශවල පදිංචිකරුවන්.
