නාරම්මල ප්‍රදේශයේ දී වෑන් රථයක් බස් නැවතුමකට කඩා වැටීමෙන් කාන්තාවන් තුන් දෙනෙකු ජීවිතක්ෂයට පත්වුණා.
නාරම්මල බැදිගමුව ප්‍ර දේශයේ දී කුරුණෑගල දෙසට ධාවනය වෙමින් තිබූ වෑන් රථයක් රියදුරුගේ පාලනයෙන් ගිලිහී බෝක්කුවක ගැටී යාබද බස් නැවතුමට කඩාවැදී තිබෙනවා.
එහිදී බස් නැවතුම්පලේ සිටි කාන්තාවන් තුන්දෙනෙකු වාහනයට යටවී බරපතල තුවාල ලැබුවා.
ඔවුන් කඩිනමින් නාරම්මල රෝහලට ඇතුළත් කෙරුණ ද එහිදී දෙදෙනෙකු ජීවතක්ෂයට පත්වූ බවයි පොලීසිය පවසන්නේ. අනෙක් කාන්තාවට වැඩිදුර ප්‍රතිකාර සදහා කුරුණෑගල ශික්ෂණ රෝහලට මාරුකර යැවීමෙන් පසු ජීවිතක්ෂයට පත්ව තිබෙනවා.
මියගිය කාන්තාවන් තුන්දෙනා අවුරුදු 56, 59 හා 61 වයස් කාණ්ඩවල පසුවූ නාරම්මල බැදිගමුව පදිංචිකාරිනියන්.
රියදුරුගේ නොසැලකිලිමත් හා අපරීක්ෂාකාරී රිය ධාවනය අනතුරට හේතුව බවයි පොලීසිය පවසන්නේත. වෑන් රථ රියදුරා පොලිස් අත්අඩංගුවට ගෙන තිබෙනවා.
