fbpx

Life+News The Official News Portal of Independent Television Network Ltd

රංගන ශිල්පී දර්ශන් ධර්මරාජ්ගේ අවසන් කටයුතු ලබන බදාදා

ITN News Editor
By ITN News Editor ඔක්තෝබර් 2, 2022 17:06

රංගන ශිල්පී දර්ශන් ධර්මරාජ්ගේ අවසන් කටයුතු ලබන බදාදා

ප්‍රතිභාපූර්ණ සම්මානනීය රංගන ශිල්පී දර්ශන් ධර්මරාජ් අභාවප්‍රාප්ත වුණා. ඔහු මිය යනවිට 41 වන වියේ පසුවුණා.

දුර්ලභ ගනයේ රංගන ප්‍රතිභාවක් ප්‍රදර්ශනය කරමින් ටෙලිනාට්‍යය මෙන්ම සිනමාව ආලෝකමත් කළ දර්ශන් ධර්මරාජ්ගේ සමුගැනීම පිරිමසාලිය නොහැකි වනු ඇති.

දර්ශන් ධර්මරාජ් 2008 වසරේ දී සිඩ්නි චන්ද්‍රසේකරයන්ගේ ඒ නයින් ටෙලිනාට්‍ය තුළින් ප්‍රථමයෙන් රූපවාහිනී නිර්මාණයට පිවිසියා. ප්‍රභාකරන් චිත්‍රපටයේ ත්‍රස්ත නායකයාගේ චරිතය නිරූපණය කරමින් මහත් ජනාදරයට පාත්‍ර වූ ඔහු එතැන් සිට ටෙලිනාට්‍ය සහ සිනමාපට රැසකට දායක වුණා. ඉනි අවන්,  පෝරිසාදයා,  ඉර හද යට,  මාතා,  මචං,  ඇඩ්‍රස් නෑ,  ස්පන්දන,  ආලෝකෝ උදපාදී,  උලත් එකයි පිලත් එකයි,  දැවෙන විහගුන්,  සුපර්ණා ඇතුළු සිනමාපට රැසක ඔහුගේ රංගන ප්‍රතිභාව මැනවින් ප්‍රදර්ශනය කෙරුණා. සුනාමි චිත්‍රපටයේ ප්‍රධාන චරිතය නිරූපණය කළ දර්ශන් තවත් දින කිහිපයකින් තිරගතවීමට නියමිත ප්‍රාණ චිත්‍රපටය සදහා ද රංගනයෙන් දායක වී තිබෙනවා. කෙටි කාලයක් තුළ ඔහු ප්‍ර දර්ශනය කළ රංගන පෞරුෂය හේතුවෙන් සම්මාන උළෙල රැසකදී දර්ශන් ධර්මරාජ් සම්මානයට පාත්‍ර වුණා. රක්වාන ප්‍රදේශයේ උපත ලැබූ දර්ශන් ධර්මරාජ් අධ්‍යාපනය ලැබුවේ ශාන්ත ජෝන් දෙමළ විද්‍යාලයෙන්.

අද උදෑසන හදිසි හෘදයාබාදයක් හේතුවෙන් මිය යනවිට 41 වන වියේ පසුවූ ඔහු එක්දරු පියෙක්. දර්ශන ධර්මරාජ්ගේ දේහය අද රාත්‍රී 7 සිට හෙට පස්වරු 3 දක්වා කොළඹ ජයරත්න මල් ශාලාවේ තැන්පත් කෙරෙනවා. ඉන් අනතුරුව ඔහුගේ රක්වානේ පිහිටි නිවසට රැගෙන යාමෙන් අනතුරුව ලබන බදාදා අවසන් කටයුතු සිදුකිරීමට නියමිතයි.

 

ITN News Editor
By ITN News Editor ඔක්තෝබර් 2, 2022 17:06

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්