fbpx

Life+News The Official News Portal of Independent Television Network Ltd

යාපනයේ වී වගා කළ හැකි හෙක්ටෙයාර් 3054ක් මෙවර මහ කන්නයේදී වගා කිරීමට සූදානම්

ITN News Editor
By ITN News Editor සැප්තැම්බර් 22, 2022 15:06

යාපනයේ වී වගා කළ හැකි හෙක්ටෙයාර් 3054ක් මෙවර මහ කන්නයේදී වගා කිරීමට සූදානම්

යාපනයේ වී වගා කළ හැකි ඉඩම් හෙක්ටෙයාර් 3054ක් මෙවර මහ කන්නයේ දී වගා කිරීමට අවශ්‍ය පහසුකම් ලබා දීමට සුදානම් යැයි කෘෂිකර්ම වනජීවි හා වනසම්පත් සංරක්ෂණ අමාත්‍ය මහින්ද අමරවීර මහතා සඳහන් කළේය.

අද දින පෙරවරුවේ උතුරු පළාතේ වගා කටයුතු සම්බන්ධව විශේෂ සාකච්ඡාවක් වනජීවි අමාත්‍යාංශයේ දී පැවැත්විනි.

එම අවස්ථාවට ධීවර කටයුතු පිළිබඳ අමාත්‍ය ඩග්ලස් දේවානන්දා මහතා හා රාජ්‍ය අමාත්‍ය කාදර් මස්තාන් මහතා ඇතුළු පිරිසක් සහභාගි වූහ.

දැනට වනසංරක්ෂණ කළාපවලට අයත් එහෙත් මින් පෙර ගොවීන් විසින් වගා කළ ඉඩම් නැවත වගා කිරීමට අවසර දෙන ලෙස ඉල්ලා ගොවි ජනතාව විසින් ඉදිරිපත් කළ ඉල්ලිම් සළකා බලමින් මෙම සාකච්ඡාව පැවැත්වීය.

වනසංරක්ෂණ සීමාවලින් පිටත ඇති මෙම ඉඩම් කන්න කිහිපයක් වගා නොකරන ලද ඒවා වන අතර එම ඉඩම්වල කිසිදු ගොඩනැගිල්ලක් හෝ වෙනත් ඉදි කිරීමක් නොකර වගාව සඳහා ලබා දීමේ පදනම යටතේ ලබා දීමට පියවර ගන්නා ලෙස අමාත්‍යවරයා වනජීවි දෙපාර්තමේන්තුවට උපදෙස් දුන්නේය.

ඒ අනුව යාපනය දිස්ත්‍රික්කයේ පමණක් එසේ හඳුනාගන්නා ලද ඉඩම් හෙක්ටෙයාර් 3054ක් තිබේ.

මේ හැර වනසංරක්ෂණ සීමා ආසන්නයේ තිබෙන එහෙත් කිසිදු ගසකට හානියක් නොවන අයුරින් මුංඇට, කව්පි, හා උඳු වැනි බෝගවර්ග වගා කිරීම සඳහා ද සුදුසු ඉඩම් හඳුනාගෙන ඒවා ද වගාව සඳහා ගොවි ජනතාවට ලබා දෙන්නැයි ද අමාත්‍යවරයා සඳහන් කළේය.

එළඹෙන මහ කන්නයේ දී පළමුවෙන්ම යුරියා පොහොර මෙට්‍රික් ටොන් 200ක් යාපනය දිස්ත්‍රික්කයට ලබා දුන් බව කී අමාත්‍යවරයා මහ කන්නය අස්වනු සාර්ථක කර ගැනීම සඳහා උතුරේ ජනතාවගේ සම්පූර්ණ සහයෝගය ලබා දෙන ලෙස ඩග්ලස් දේවානන්දා මහතාගෙන් ඉල්ලීමක් කළේය.

අපි මෙවර මහ කන්නයේ දී ගොවීන්ට අවශ්‍ය යුරියා පොහොර රුපියල් 10,000ක මුදලකට ලබා දෙනවා. එමෙන්ම තමන් කැමැති කාබනික පොහොරක් මිල දී ගැනීමට රුපියල් 20,000ක සහනාධාර මුදලක් ලබා දෙනවා.  මියුරේට් ඔෆ් පොටෑෂ් නැතහොත් බණ්ඩි පොහොරත් මෙවර ලබා දෙනවා.

ඒ මෙන්ම එක්සත් ජාතින්ගේ ආහාර හා කෘෂිකර්ම අමාත්‍යාංශය විසින් ලබා දෙන යුරියා පොහොර හොණ්ඩර 375,000ක් නොමිලයේ ම ගොවි පවුල් 375,000කට ලබා දෙනවා. ඒ නිසා මහකන්නය සාර්ථක කර ගැනීමට අපිට සහාය ලබා දෙන ලෙස ජනතාවගෙන් ඉල්ලා සිටිනවා යැයි ද අමාත්‍යවරයා සඳහන් කළේය.

ITN News Editor
By ITN News Editor සැප්තැම්බර් 22, 2022 15:06

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්