fbpx

Life+News The Official News Portal of Independent Television Network Ltd

පේරාදෙණිය නවකවදය සිද්ධියට සම්බන්ධ සිසුන් තිදෙනෙකු අත්අඩංගුවට

ITN News Editor
By ITN News Editor සැප්තැම්බර් 21, 2022 19:56

පේරාදෙණිය නවකවදය සිද්ධියට සම්බන්ධ සිසුන් තිදෙනෙකු අත්අඩංගුවට

පේරාදෙණිය විශ්වවිද්‍යාලයේ ආපන ශාලාවේ පසුගිය සතියේ (14 වනදා) වාර්තා වූ නවකවදය සිද්ධිය සම්බන්ධයෙන් එම විශ්වවිද්‍යාලයේ සිසුන් තිදෙනෙකු අත්අඩංගුවට ගෙන තිබෙනවා.

විශ්වවිද්‍යාලයේ ශාස්ත්‍ර පීඨයේ සිසුන් පිරිසක් විසින් නීති උපාධි අපේක්ෂකයින් පිරිසකට පහරදීමේ සිද්ධිය සම්බන්ධයෙන් පේරාදෙණිය පොලිසිය පරීක්ෂණ පවත්වා තිබුණා.

පොලීසිය පැවසුවේ, එම සිසුන් අද පේරාදෙණිය පොලීසියට භාරවීමෙන් අනතුරුව අත්අඩංගුවට ගත් බවයි.

මෙලෙස අත්අඩංගුවට ගෙන ඇත්තේ කලා පීඨයේ 4 වසරේ ඉගෙනුම ලබන 24 හැවිරිදි තලේලිය, අම්බලන්ගොඩ සහ තුන්මෝදර ප්‍රදේශවල පදිංචි සිසුන් තිදෙනෙකුයි.

සිද්ධිය සම්බන්ධයෙන් ප්‍රකාශ සටහන් කර ගැනීමෙන් පසු සැකකරුවන් පොලිස් ඇප මත මුදා හැර තිබෙනවා.

ITN News Editor
By ITN News Editor සැප්තැම්බර් 21, 2022 19:56

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්