fbpx

Life+News The Official News Portal of Independent Television Network Ltd

ශ්‍රී ලංකා ලෙජන්ඩ්ස් තෙවෙනි තරගයත් ජය ගනී

ITN News Editor
By ITN News Editor සැප්තැම්බර් 19, 2022 11:44

ශ්‍රී ලංකා ලෙජන්ඩ්ස් තෙවෙනි තරගයත් ජය ගනී

රෝඩ් සේෆ්ටි වර්ල්ඩ් සීරිස් පන්දුවාර විස්සයි විස්ස ක්‍රිකට් තරගාවලියේ තවත් තරගයක් ජය ගැනීමට ශ්‍රී ලංකා ප්‍රවීණයින්ගේ කණ්ඩායම සමත් වුණා.

දකුණු අප්‍රිකානු ප්‍රවීනයින්ගේ කණ්ඩායම සමග ඊයේ පැවති තරගය ලකුණු 11 කින් ජය ගැනීමට ශ්‍රී ලංකා ප්‍රවීණයින්ගේ කණ්ඩායම සමත්වුණා. තරගයේ කාසියේ වාසිය දිනූ දකුණු අප්‍රිකානු ප්‍රවීනයින්ගේ කණ්ඩායමේ නායක මුලින්ම පන්දුවට පහරදීමේ අවස්ථාව ශ්‍රී ලංකා ප්‍රවීණයින්ගේ කණ්ඩායමට ලබාදී තිබුණා. ඒ අනුව පිටියට පිවිසි ශ්‍රී ලංකා ප්‍රවීණයින්ගේ කණ්ඩායම නියමිත පන්දුවාර 20 අවසානයේ දී කඩුලු 6 ක් දැවී ලකුණු 165 ක් රැස්කිරීමට සමත්වුණා. එහිදී ශ්‍රී ලංකා ප්‍රවීණයින්ගේ කණ්ඩායම වෙනුවෙන් උපුල් තරංග ලකුණු 36 ක් රැස්කළ අතර ජීවන් මෙන්ඩිස් නොදැවී ලකුණු 43 ක් රැස්කළා. අනතුරුව ලකුණු 166 ක ඉලක්කය හඹායාමට පිටියට පිවිසි දකුණු අප්‍රිකාණු ප්‍රවීණයින්ගේ කණ්ඩායමට නියමිත පන්දුවාර 20 අවසානයේ දී කඩුලු 6 ක් දැවී ලබාගත හැකිවූයේ ලකුණු 154 ක් පමණයි.

මේ අතර පසුගිය 9 වනදා සිට 11 වනදා දක්වා ඉන්දියාවේ කේරලයේ පැවති ඉන්දියානු ජාතික කරාතේ ශූරතාවලිය සහ 18 වන ආසියානු කනිෂ්ඨ කරාතේ තරගාවලිය සදහා ශ්‍රී ලංකා ශින්කියෝකුශින්කායි කරාතේ සංගමයේ ක්‍රීඩක ක්‍රීඩිකාවන් 6 දෙනෙකුගෙන් යුත් කණ්ඩායමක් ශ්‍රී ලංකාව නියෝජනය කරමින් තරග කළා. එහිදී කොළඹ මියුසියස් විද්‍යාලයේ සෙතුලි අනූශදි වේරගම,  ශාන්ත තෝමස් විදුහලේ දේසිත චමිරු කාරියවසම්,  පොලිමෙත් ජාත්‍යන්තර පාසලේ තිනුලි වීරසූරිය,  ලයිසියම් ජාත්‍යන්තර පාසලේ අනුග දිල්වන් විජේසිංහ,  කොළඹ රාජකීය විදුහලේ තිනුග තෙන්නකෝන් සහ හෝමාගම මහින්ද රාජපක්ෂ විදුහලේ රවිදු සෙනාශ් යන කනිෂ්ඨ ක්‍රීඩක ක්‍රීඩිකාවන් ජයග්‍රහණ අත්කර ගත්තා.

 

ITN News Editor
By ITN News Editor සැප්තැම්බර් 19, 2022 11:44

ක්‍රීඩා පුවත්- තවත් මෙතනින්

ක්‍රිකට්- තවත් මෙතනින්

පාපන්දු- තවත් මෙතනින්

මලල ක්‍රීඩා- තවත් මෙතනින්

වෙනත් ක්‍රීඩා- තවත් මෙතනින්