ලොව පුරා රටවලින් දෛනිකව වාර්තා වන කොරෝනා වයිරස ආසාදිතයින් හා මරණ සංඛ්‍යාව යළිත් වරක් ඉහළ ගොස් තිබෙනවා.
ගතවූ පැය 24 ට ලොව පුරා රටවල් 228 කින් වයිරස ආසාදිතයින් 820,000 ට අධික සංඛ්‍යාවක් හමුව තිබෙනවා. සිදුව ඇති මරණ සංඛ්‍යාව 1,592 ක්.
ඊයේ දිනයේ දී වාර්තා වූ වැඩිම කොරෝනා ආසාදිතයින් සංඛ්‍යාව වන 134,000 හමුවී ඇත්තතේ ප්‍රංශයෙන්.
එමෙන්ම ඉතාලියෙන් 120,000 ක් ජපානයෙන් 79,000 ක් ඇමෙරිකාවෙන් 75,000 ක් හා දකුණු කොරියාවෙන් 73,000 ක් ලෙස වයිරස ආසාදිතයින් හමුව තිබෙනවා.
ඊයේ දිනයට සිදුව ඇති වැඩිම මරණ සංඛ්‍යාව වන 378 වාර්තා වන්නේ බ්‍රසීලයෙන්.
ඒ සමගම ලොව සමස්ත කොරෝනා මරණ සංඛ්‍යාව හැටතුන් ලක්ෂ අනූඑක්දහස ඉක්මවා ගියා.
හමුව ඇති සමස්ත වයිරස ආසාදිතයින් සංඛ්‍යාව පනස්හය කෝටි අනූපන්ලක්ෂයකට අධිකයි.
