fbpx

Life+News The Official News Portal of Independent Television Network Ltd

නිධානයක් ගැනීම සඳහා කැනීම් සිදු කරමින් සිටි 10 දෙනෙකු අත්අඩංගුවට

ITN News Editor
By ITN News Editor ඔක්තෝබර් 11, 2020 11:29

හොරණ මදුරාවල ප්‍රදේශයේ සුවිසල් නිවසක් පිටුපස නිධානයක් ගොඩගැනීම සදහා කැනීම් සිදු කරමින් සිටි පුද්ගලයන් දස දෙනෙකු අත්අඩංගුවට ගෙන තිබෙනවා. නිවෙස් හිමියන් ඇතුළු පුද්ගලයන් දස දෙනෙකුයි මෙලෙස අත්අඩංගුවට ගෙන ඇත්තේ.

කළුගල් පිපිරවීමට යොදා ගන්නා අධිබලැති කම්ප්‍රෙෂර් යන්ත්‍රයක්, වෙඩි බෙහෙත්, ඩයිනමයිට්, විදුලි වතුර මෝටරයක්, කැබ් රථයක් ඇතුළු භාණ්ඩ පොලිස් භාරයට ගෙන ඇති බව අප වාර්තාකරුවන් සදහන් කළා. බස්නාහිර පළාත් බුද්ධි නිලධාරීන්ට ලැබුණු තොරතුරකට අනුව මෙම වැටලීම් සිදු කෙරුණා. අත්අඩංගුවට ගත් පුද්ගලයන් අතර දොඩන්ගොඩ ප්‍රදේශයේ කපුවෙකුද සිටින බවයි අගුරුවාතොට පොලිසිය සදහන් කළේ. මෙම කපුවා රත්තරන් නිධානයක් ඇති බවට කර ඇති ප්‍රකාශයක් මත කැනීම් සිදු කර ඇති අතර එම ස්ථානයේ වයස අවුරුදු 15ක දැරියක ද සිට තිබෙනවා. ඇය කුමන අරමුණකින් මෙම ස්ථානයට රැගෙන ආවේද යන්න පිළිබදව පොලිසිය විමර්ශන සිදුකරනවා. අඩි 22කට අධික ගැඹුරකට කැනීම සිදුකර තිබූබවයි අප වාර්තා කරුවන් සදහන් කළේ.

 

 

 

ITN News Editor
By ITN News Editor ඔක්තෝබර් 11, 2020 11:29

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්