fbpx

Life+News The Official News Portal of Independent Television Network Ltd

නිරෝධායනය වූ තවත් පිරිසක් අද නිවෙස්වලට

ITN News Editor
By ITN News Editor මාර්තු 30, 2020 09:28

නිරෝධායනය වූ තවත් එකසිය තිස් දෙදෙනෙකු අද නිවෙස් බලා පිටත්ව යන බව යුද හමුදාව පවසනවා.

දියතලාව නිරෝධායන මධ්‍යස්ථානයේදී පූර්ණ නිරෝධායනයට ලක් වූ විදේශයන් හි සිට පැමිණි පුද්ගලයන් 76 දෙනෙකු හා පූනානි මධ්‍යස්ථානයේදී නිරෝධායනයට ලක් වූ පුද්ගලයන් 56 දෙනෙකු මෙම පිරිසට ඇතුළත්.

ඒ අනුව මේ වන විට පූර්ණ නිරෝධායනයට ලක්ව නිවෙස් බලා පිටත්ව ගිය සංඛ්‍යාව 1,565ක් වනවා. කෙසේ වුව ද නිරෝධායන මධ්‍යස්ථාන 41 කදී පුද්ගලයන් 2,096 දෙනෙකු තවදුරටත් නිරෝධායනයේ යෙදී සිටින බවයි යුද හමුදාව පවසන්නේ. ඒ අතර විදෙස් ජාතිකයන් 20 දෙනෙකු ද වනවා.

මේ අතර පසුගිය 10 වනදා වන විට කුමන හෝ විදේශයක සිට මෙරටට පැමිණි ඕනෑම පුද්ගලයෙකු ස්වයං නිරෝධායන ක්‍රියාවලියට යොමුවිය යුතු බවයි පොලීසිය යළි අවධාරණය කරන්නේ.

 

 

ITN News Editor
By ITN News Editor මාර්තු 30, 2020 09:28

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්