fbpx

Life+News The Official News Portal of Independent Television Network Ltd

උණුසුම් දර්ශකය අවධානය යොමු කළ යුතු මට්ටමට – කාලගුණයෙන් නිවේදනයක්

ITN News Editor
By ITN News Editor මාර්තු 5, 2020 11:02

වයඹ, බස්නාහිර, සබරගමුව සහ දකුණ පළාත්වලත් මන්නාරම සහ මොනරාගල දිස්ත්‍රික්කයන්හි ඇතැම් ස්ථානවල උණුසුම් දර්ශකය (මිනිස් සිරුරට දැනෙන උණුසුම) කෙරෙහි වැඩි අවධානය යොමු කළ යුතු මට්ටමක පවතින බව කාලගුණ විද්‍යා දෙපාර්තමේන්තුව මාධ්‍ය නිවේදනයක් නිකුත් කරමින් ජනතාව වෙත දැනුම් දෙන ලදී.

අධික සූර්යාලෝකයට වැඩි වේලාවක් නිරාවරණය වීම සහ එළිමහන් පරිසරයේ ක්‍රියාකාරකම්වල නියුතු වීම තුළින් ශරීරයට අධික තෙහෙට්ටු තත්ත්වයක් ඇති විය හැකි අතර වැඩි වශයෙන් එළිමහන් කටයුතුවල නිරත වීම තුළින් විජලනය සහ ලවණ ඉවත් වීම නිසා මස්පිඩු පෙරලීම වැනි තත්ත්වයන් ද ඇති විය හැක. එසේම පවතින අධික උෂ්ණත්වය නිසා අධික මහන්සිය මෙන්ම ශරීරයේ උෂ්ණත්ව නියාමන ක්‍රියාවලිය අඩපණ වීම නිසා ආඝාත තත්ත්වයන් ද ඇති වීමේ වැඩි හැකියාවක් පවතින බව එහි වැඩි දුරටත් සඳහන් වේ.

අධික උණුසුම් කාලගුණයත් සමඟින් මිනිස් ශරීර සෞඛ්‍ය තත්ත්වයට විය හැකි බලපෑම අවම කිරීම සඳහා ප්‍රමාණවත් ලෙස ජලය පානය කිරීම, අධික වෙහෙසකාරී කටයුතු සීමා කිරීම, වැඩිහිටි සහ රෝගී පුද්ගලයන් කෙරෙහි වැඩි අවධානයක් යොමු කරන ලෙස එහි වැඩි දුරටත් සඳහන් වේ.

ITN News Editor
By ITN News Editor මාර්තු 5, 2020 11:02

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්