fbpx

Life+News The Official News Portal of Independent Television Network Ltd

දකුණු ආසියානු ක්‍රීඩා උලෙළට සහභාගි වන සිසුන්ට නේපාලයේදී සාමාන්‍ය පෙළ විභාගයට මුහුණදීමට අවස්ථාව

ITN News Editor
By ITN News Editor නොවැම්බර් 9, 2019 10:50

දකුණු ආසියානු ක්‍රීඩා උලෙළට සහභාගි වන සිසුන්ට නේපාලයේදී සාමාන්‍ය පෙළ විභාගයට මුහුණදීමට අවස්ථාව

නේපාලයේ පැවැත්වෙන 13 වන දකුණු ආසියානු ක්‍රීඩා උලෙළට සහභාගි වන සිසුන්ට මෙවර සාමාන්‍ය පෙළ විභාගයට එරට සිට මුහුණදීමට අවස්ථාව සළසා දෙන බව අධ්‍යාපන අමාත්‍යාංශය සදහන් කරනවා.

අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් මතයි එම සිසුන්ට මෙම අවස්ථාව හිමිව තිබෙන්නේ. දකුණු ආසියානු ක්‍රීඩා උලෙළට ශ්‍රී ලංකාවය නියෝජනය කරමින් පාසල් සිසුන් 7 දෙනෙකු සහභාගි වනවා. විදේශ කටයුතු අමාත්‍යාංශයේ සහයෝගය ඇතිව නේපාලයේ ශ්‍රී ලංකා තානාපති කාර්යාලය සමග එක්ව එම සිසුන්ට සාමාන්‍ය පෙළ විභාගයට නේපාලයේ සිට මුහුණදීමට අවස්ථාව සලසා දෙන බවයි අධ්‍යාපන අමාත්‍යාංශය වැඩිදුරටත් සදහන් කරන්නේ.

එරට වෙත පිටත්ව යන විභාග දෙපාර්තමේන්තුවේ ජ්‍යෙෂ්ඨ නිලධාරීන් කණ්ඩායමක් විසින් සියලු අධීක්ෂණ කටයුතු සිදුකරනවා. ඊට අදාළ සියලු වියදම් දැරීමට ජාතික ඔලිම්පික් කමිටුව එකගවී තිබෙනවා.

 

 

 

ITN News Editor
By ITN News Editor නොවැම්බර් 9, 2019 10:50

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්