fbpx

Life+News The Official News Portal of Independent Television Network Ltd

ජනාධිපතිවරණයට 21 දෙනෙකුගෙන් ඇප මුදල්

ITN News Editor
By ITN News Editor ඔක්තෝබර් 3, 2019 11:52

ජනාධිපතිවරණයට 21 දෙනෙකුගෙන් ඇප මුදල්

ජනාධිපතිවරණය සදහා අපේක්ෂකයන් 21 දෙනෙකු ඇප මුදල් තැන්පත් කර ඇතැයි මැතිවරණ කොමිෂන් සභාව ප‍්‍රකාශ කළා.

ජනසෙත පෙරමුණේ ජනාධිපති අපේක්ෂක බත්තරමුල්ලේ සීලරත්න හිමියන් ද පෙරවරුවේදී ඇප මුදල් තැන්පත් කළ බවයි කොමිසමේ අධ්‍යක්ෂ ජනරාල් සමන් ශ‍්‍රි රත්නායක මහතා කියා සිටියේ. මෙවර ජනාධිපතිවරණයට ඉදිරිපත් වන සියලු අපේක්ෂකයන් ලබන ඉරිදා මැතිවරණ කොමිසමට කැදවා තිබෙනවා. ඒ හත්වනදාට නියමිත නාමයෝජනා භාරදීමේ වැඩපිලිවෙල පිලිබද සාකච්ඡා කිරිමට.

පෙරවරු නවයේ සිට පෙරවරු 11 දක්වා කාලයේදී පමණක් නාමයෝජනා භාරගන්නා බවයි මැතිවරණ කොමිසම දැනුම් දෙන්නේ. නාමයෝජනා සදහා විරෝධතා දැක්වීම ද එම කාලසීමාවේදී සිදුකළ හැකි බව කොමිසමේ සභාපති මහින්ද දේශප‍්‍රිය මහතා සදහන් කළා. ඉන්පසුව පිළිගත් හා ප‍්‍රතික්ෂේප කරන ලද නාමයෝජනා ප‍්‍රකාශයට පත්කෙරෙනවා. නාමයෝජනා භාරදෙන දිනයේ ආරක්ෂක වැඩපිලිවෙල පිලිබද සාකච්ඡාවක් ද මැතිවරණ කොමිසමේදී ඊයේ (02) පැවැත්වුණා.

ITN News Editor
By ITN News Editor ඔක්තෝබර් 3, 2019 11:52

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්