fbpx

Life+News The Official News Portal of Independent Television Network Ltd

ගෝඨාභයගේ පෙත්සමක් පිළිගැනීමට අභියාචනාධිකරණය තීරණය කරයි

ITN News Editor
By ITN News Editor සැප්තැම්බර් 12, 2019 15:14

ගෝඨාභයගේ පෙත්සමක් පිළිගැනීමට අභියාචනාධිකරණය තීරණය කරයි

ඇවන්ට්ගාඩ් නඩුවට අදාළව කොළඹ මහේස්ත්‍රාත් අධිකරණය හමුවේ කළ මූලික විරෝධතාව ප්‍රතික්ෂේප කිරීම නීතිවිරෝධී යැයි පවසමින් හිටපු ආරක්ෂක ලේකම් ගෝඨාභය රාජපක්ෂ මහතා ඉදිරිපත් කළ පෙත්සමක් පිළිගැනීමට අභියාචනාධිකරණය තීරණය කර තිබෙනවා.

අචල වෙංගප්පුලි සහ අර්ජුන ඔබේසේකර යන අභියාචනාධිකරන විනිසුරුමඩුල්ල විසිනුයි මෙම තීන්දුව ප්‍රකාශයට පත්කර ඇත්තේ. ඇවන්ට්ගාඩ් සමාගමට ගාලු වරාය ආසන්නයේ පාවෙන අවි ගබඩාවක් පවත්වාගෙන යාමට අනුමැතිය ලබාදීම තුළින් රජයට රුපියල් බිලියන 11.4 ක පාඩුවක් සිදුකළේ යැයි චෝදනා කරමින් අල්ලස් කොමිසම ගෝඨාභය රාජපක්ෂ මහතාට එරෙහිව කොළඹ මහේස්ත්‍රාත් අධිකරණයේ නඩුවක් ගොනුකර තිබුණා.

එම නඩුව ගොනුකර ඇති ආකාරය නීතිවිරෝධී බැවින් එම නඩුවෙන් තමන් නිදහස් කරන ලෙස ඉල්ලා ගෝඨාභය රාජපක්ෂ මහතා ඉදිරිපත් කළ මූලික විරෝධතාවයි කොළඹ මහේස්ත්‍රාත් අධිකරණය ප්‍රතික්ෂේප කළේ. එම නියෝගය නීතිවිරෝධී බව පවසමින් ගෝඨාභය රාජපක්ෂ මහතා අභියාචනාධිකරණය හමුවේ මෙම පෙත්සම ගොනුකළා.

 

 

 

ITN News Editor
By ITN News Editor සැප්තැම්බර් 12, 2019 15:14

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්