fbpx

Life+News The Official News Portal of Independent Television Network Ltd

පේදුරුතුඩුව ධීවර වරායේ ඉදිකිරීම් ජනපති ප්‍රධානත්වයෙන් ඇරඹේ

ITN News Editor
By ITN News Editor අගෝස්තු 30, 2019 14:14

පේදුරුතුඩුව ධීවර වරායේ ඉදිකිරීම් ජනපති ප්‍රධානත්වයෙන් ඇරඹේ

පේදුරුතුඩුව ධීවර වරායේ ඉදිකිරීම් කටයුතු ආරම්භ කිරීම ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් අද (30) පෙරවරුවේ සිදු විය.

“මෛත්‍රී පාලනයක් – ස්ථාවර රටක්” මෙන්ම “ධීවර ක්ෂේත්‍රය සඳහා වන තිරසර ධීවර කර්මාන්තය තුළින් දකුණු ආසියානු කලාපයේ ප්‍රමුඛයා බවට පත්වීම” ඉදිරි දැක්මේ තවත් පියවරක් තබමින් උතුරේ ධීවර කර්මාන්තය නංවාලීමේ වැඩසටහන යටතේ ඉදිකෙරෙන මෙම ධීවර වරාය ලංකාවේ මෙතෙක් ඉදිකරන විශාලතම ධීවර වරාය වන අතර ආයෝජනය කෙරෙන මුදල රුපියල් මිලියන 12,600කි.

විශාල ප්‍රමාණයේ බහුදින යාත්‍රා 300කට එකවර පහසුකම් සැපයීමට හැකි මෙම වරාය හෙක්ටයාර 7.1ක වපසරියකින් සමන්විත අතර වරාය බේසම හෙක්ටයාර් 18.6කි.

වරායේ දිය කඩනයන් පිළිවෙලින් මීටර් 880කින් හා 480කින් යුක්ත ය.

ලෝකයේ ඇති නවීනතම ධීවර යාත්‍රා ආරක්ෂිතව හැසිරවීම, අස්වනු ගොඩබෑම, ඉන්ධන හා අනෙකුත් දෑ පැටවීම, යාත්‍රා අලුත්වැඩියාව, අයිස් හා ශීතාගාර පහසුකම්, යාත්‍රා සඳහා උපකරණ ලබා ගැනීම, මත්ස්‍ය අලෙවිය, දැල් සැකසීම, වෙළෙඳ සල්, රැස්වීම් සහ සාකච්ඡා පහසුකම්, වෙරළාරක්ෂක සේවා, ධීවර දෙපාර්තමේන්තු නිලධාරින්ගේ සේවා වැනි අංග සම්පූර්ණ පහසුකම් සහිත ධීවර වරායක සේවා මෙහි දී ලබාගත හැකිවනු ඇත.

අමාත්‍ය පී.හැරිසන්, අබ්දුල් හලීම්, උතුරු පළාත් ආණ්ඩුකාර සුරේන් රාඝවන්, කාදර් මස්තාන්, අංගජන් රාමනාදන්, එම්.ඒ සුමන්තිරන්, මාවෙයි සේනාධිරාජා, ධර්මලිංගම් සිද්ධාර්ථන් යන මහත්වරන් සහ පළාතේ මහජන නියෝජිතයන් රැසක් ද, ජනාධිපති ලේකම් උදය අර්. සෙනෙවිරත්න මහතා ඇතුළු රාජ්‍ය නිලධාරිහු මෙම අවස්ථාවට එක්ව සිටියහ.

 

ITN News Editor
By ITN News Editor අගෝස්තු 30, 2019 14:14

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්

Thank you for taking time to Vote for us at BestWeb.lk 2020

logo