fbpx

Life+News The Official News Portal of Independent Television Network Ltd

ආගමික සිද්ධස්ථාන සදහා නොමිලේ විදුලිය ලබා දීමේ වැඩපිළිවෙලක්

ITN News Editor
By ITN News Editor අගෝස්තු 3, 2019 18:50

ආගමික සිද්ධස්ථාන සදහා නොමිලේ විදුලිය ලබා දීමේ වැඩපිළිවෙලක්

ආගමික සිද්ධස්ථාන සදහා නොමිලේ විදුලිය ලබා දීමේ වැඩපිළිවෙලක් ලබන මාසය වන විට ක්‍රියාත්මක කරන බව අමාත්‍ය රවී කරුණානායක මහතා පවසනවා.

අස්ගිරි මල්වතු  පාර්ශ්වවල මහ නායක ස්වාමීන්වහන්සේ බැහැදැකීමෙන් අනතුරුව මාධ්‍යය වෙත  අදහස් දක්වමින් අමාත්‍යවරයා මෙම අදහස් පළකලා.

අමාත්‍ය රවී කරුණානායක මහතා මහනුවර ශ්‍රී දළදා මාලිගාවට පැමිණ ආගමික වතාවත්වල නිරතවුණා. දළදා මාලිගාවේ විදුලි උත්පාදන යන්ත්‍රයේ අලුත්වැඩියා කටයුතු විදුලිබල මණ්ඩලයෙන් සිදු කිරීමට අදාළ අවබෝධතා ගිවිසුම දියවඩන නිලමේ ප්‍රදීප් නිලංග දෑල මහතා වෙත භාරදීමට ද අමාත්‍යවරයා කටයුතු කළා. ඉන් අනතුරුව මල්වතු මහා විහාරයට පැමිණි අමාත්‍යවරයා මල්වතු මහ නාහිමි අතිපූජ්‍ය තිබ්බටුවාවේ ශ්‍රී සුමංගල නාහිමි බැහැදැක ආශිර්වාද ලබා ගත්තා.

අස්ගිරි මහ නාහිමි අතිපූජ්‍ය වරකාගොඩ ශ්‍රී ඥානරතන ස්වාමීන්වහන්සේ බැහැදැකීමට ද අමාත්‍යවරයා මෙහිදී කටයුතු කළා. එහිදී උන්වහන්සේ කූරගල විහාරස්ථානය සදහා විදුලිබලය ලබා දීමට පියවර ගන්නා ලෙස ද අමාත්‍යවරයාට සිහිපත් කළා.

ITN News Editor
By ITN News Editor අගෝස්තු 3, 2019 18:50

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්