fbpx

Life+News The Official News Portal of Independent Television Network Ltd

අසනීප වීම නිසා හේමසිරි හා පූජිත් අපරාධ පරීක්ෂණ දෙපාර්තමේන්තුවට නොපැමිණෙයි

ITN News Editor
By ITN News Editor ජූලි 2, 2019 11:31

අසනීප වීම නිසා හේමසිරි හා පූජිත් අපරාධ පරීක්ෂණ දෙපාර්තමේන්තුවට නොපැමිණෙයි

හිටපු ආරක්ෂක ලේකම් හේමසිරි ප්‍රනාන්දු සහ පොලිස්පති පූජිත් ජයසුන්දර යන අය අපරාධ පරීක්ෂණ දෙපාර්තමේන්තුව හමුවේ අද පෙනී සිටියේ නැහැ.

ඔවුන් අසනීප වීම ඊට හේතුවයි. පාස්කු ඉරිදා ප්‍රහාරය සම්බන්ධයෙන් ප්‍රකාශයක් ලබා ගැනීම සඳහා අද පෙරවරු 10 ට අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස හිටපු ආරක්ෂක ලේකම් හේමසිරි ප්‍රනාන්දු මහතාට සහ පොලිස්පති පූජිත් ජයසුන්දර මහතාට දැනුම් දී තිබුණා. කෙසේ වෙතත් හේමසිරි ප්‍රනාන්දු  මහතා අසනීප වී ජාතික රෝහලේ ප්‍රතිකාර ලබන බැවින් අද දිනයේ අපරාධ පරීක්ෂණ දෙපාර්තමේන්තුවට පැමිණියේ නැති බවයි දන්වා තිබුණේ. මේ අතර පූජිත් ජයසුන්දර මහතාද රෝගී වී නාරාහේන්පිට පොලිස් රෝහලට ඇතුළත් වී තිබෙනවා. පාස්කු ඉරිදා ප්‍රහාරය වළක්වා නොගැනීම සම්බන්ධයෙන් මෙම දෙදෙනා සැකකරුවන් ලෙස නම් කර අධිකරණයට ඉදිරිපත් කරන ලෙස නීතිපතිවරයා දැනුම්දි තිබුණා. මෙම දෙදෙනා සිය රාජකාරි පැහැරහැර ඇති බවට නීතිපතිවරයා  චෝදනා එල්ල කළේ මීට දින 05 කට පෙරයි. එම චෝදනාවලට අදාළව කටයුතු නොකිරීම සම්බන්ධයෙන් වැඩබලන පොලිස්පතිවරයාට කරුණු දක්වන ලෙස  නීතිපතිවරයා දැනුම් දී  තිබුණා.

 

ITN News Editor
By ITN News Editor ජූලි 2, 2019 11:31

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්