Life+News The Official News Portal of Independent Television Network Ltd

කසළ වලින් විදුලිය නිපදවන්න බ්‍රිතාන්‍ය සහාය

ITN News Editor
By ITN News Editor අප්‍රේල් 17, 2019 16:39

කසළ වලින් විදුලිය නිපදවන්න බ්‍රිතාන්‍ය සහාය

විදුලි අර්බුදයට විසදුමක් ලෙස අපද්‍රව්‍ය යොදා ගනිමින් විදුලිබල උත්පාදනය මෙරටට හදුන්වාදීමට බ්‍රිතාන්‍ය රජය කැමැත්ත පළකර තිබෙනවා. බ්‍රිතාන්‍ය මහ කොමසාරිස් ජේම්ස් ඩොරිස් මහතා අමාත්‍ය රවී කරුණානායක මහතා හමුවූ අවස්ථාවේයි මෙම එකගතාව පළකෙරුණේ.

දෛනිකව ඉහළ යන විදුලි ඉල්ලුම සපුරාලීම වෙනුවෙන් අවම මිලක් සහිත පරිසර හිතකාමී විදුලි උත්පාදන ක්‍රමවේදයන්ට ශ්‍රී ලංකාව යොමුවෙමින් සිටිනවා. එම වැඩපිළිවෙළේ තවත් වැදගත් අවස්ථාවක් ලෙස අපද්‍රව්‍ය යොදා ගනිමින් විදුලිය උත්පාදනය කිරීමේ ක්‍රමවේදය හදුන්වාදිය හැකියි. මෙරට ප්‍රධානම විදුලි උත්පාදන ක්‍රමය වන්නේ ජල විදුලියයි. දිවයිනේ ඇති ජල මූලාශ්‍රයන්ගෙන් විදුලිය උත්පාදනය කළ හැකි මට්ටමේ පවතින සියල්ල ඒ සදහා යොදාගෙන තිබෙනවා. අපද්‍රව්‍ය යොදාගනිමින් විදුලිය නිපදවීම තුළින් විදුලිබල අර්බුදයට මෙන්ම අපද්‍රව්‍ය බැහැර කිරීමේ ගැටලුවටද විසදුම් ලබාගත හැකි බව බ්‍රිතාන්‍ය මහ කොමසාරිස්වරයා සදහන් කළා. මෙම කටයුතු සදහා කැපවී ක්‍රියා කරන බවත් ඊට බ්‍රිතාන්‍යයේ පූර්ණ සහාය අපේක්ෂා කරන බවත් අමාත්‍ය රවී කරුණානායක මහතා මෙහිදී සදහන් කළා.

 

 

ITN News Editor
By ITN News Editor අප්‍රේල් 17, 2019 16:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්