fbpx

Life+News The Official News Portal of Independent Television Network Ltd

යුක්රේන ජනාධිපතිවරණයේ දෙවන වටය 21 වනදා

ITN News Editor
By ITN News Editor අප්‍රේල් 1, 2019 09:16

යුක්රේන ජනාධිපතිවරණයේ දෙවන වටය 21 වනදා

යුක්රේන ජනාධිපතිවරණයේ පෙරමුණ ගැනීමට වොලොඩිමිර් සෙලින්ස්කි සමත්ව තිබෙනවා.

ඔහු විකට චිත‍්‍රපට ශිල්පියෙකු ලෙස ප‍්‍රචලිතයි. ප‍්‍රකාශිත ඡන්ද ප‍්‍රමාණයෙන් 29.48%ක ඡන්ද ප‍්‍රතිශතයක් ඔහුට හිමිව ඇති බවයි විදෙස් වාර්තා සඳහන් කරන්නේ. මීට පෙර ප‍්‍රබල දේශපාලන අත්දැකිම් නොමැති පුද්ගලයෙකු ජනාධිපතිවරණයේ පෙරමුණ ගැනීම විශේෂත්වයක්.

වර්තමාන නායක පෙට්රො පොරොෂෙන්කෝට හිමිව ඇත්තේ 16.96%ක ඡන්ද ප‍්‍රතිශතයක් පමණයි. යුක්රේන මැතිවරණ කොමිසම පළමු වටයේ ප‍්‍රතිඑල නිල වශයෙන් ප‍්‍රකාශයට පත්කළා. ඒ අනූව තමන් ඉතා සතුටට පත්ව සිටින බවයි ජනාධිපතිවරණයේ පෙරමුණ ගෙන සිටින වොලොඩිමිර් සෙලින්ස්කි පවසන්නේ.එහෙත් මෙය අවසන් ප‍්‍රතිඑලය නොවන බවද ඔහු පෙන්වා දෙනවා.

අපේක්ෂකයන් 39 දෙනෙකු මෙවර යුක්රේන ජනාධිපතිවරණය සඳහා තරග වැදුණා. එහෙත් කිසිවෙකුටත් 50 %ඉක්ම වූ ඡන්ද ප‍්‍රතිශතයක් ලබාගැනීමට නොහැකි වීම නිසා දෙවන වටයේ ඡන්ද විමසීම අප්‍රේල් 21 වනදා පැවැත්වීමට නියමිතයි.

ITN News Editor
By ITN News Editor අප්‍රේල් 1, 2019 09:16

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්