fbpx

Life+News The Official News Portal of Independent Television Network Ltd

නව යුගයකට පියවර තබමින් බහුවිධ ප්‍රවාහන මධ්‍යස්ථානය ජන අයිතියට

ITN News Editor
By ITN News Editor මාර්තු 31, 2019 16:30

නව යුගයකට පියවර තබමින් බහුවිධ ප්‍රවාහන මධ්‍යස්ථානය ජන අයිතියට

කොට්ටාව මාකුඹුර බහුවිධ ප්‍රවාහන මධ්‍යස්ථානය අද ජනතා අයිතියට පත්කෙරුණා. ඒ ජනාධිපති මෛත්‍රීපාල සිරිසේන මැතිතුමාගේ හා අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන්.

ප්‍රවාහන ක්ෂේත්‍රයේ නව යුගයකට පියවර තබමින් සුහුරු තාක්‍ෂණය ඔස්සේ මෙම මධ්‍යස්ථානය ඉදිකර තිබෙනවා. මෙවැනි බහුවිධ ප්‍රවාහන මධ්‍යස්ථානයක් ශ්‍රී ලංකාව තුළ ඉදිකෙරෙන්නේ පළමු වරටයි.

බස් රථ හා දුම්රිය සේවා ඒකාබද්ධ කරමින් ප්‍රවාහන පහසුකම් සපයා ගැනීමට ජනතාවට මෙමගින් පහසුකම් සපයා තිබෙනවා. ඒ අනුව එකම ටිකට් පතකින් බස් හා දුම්රිය සේවා ලබා ගැනීමට හැකිවනවා. මගි ජනතාවට පොදු ප්‍රවාහන සේවයේ ජාත්‍යන්තර අත්දැකීමක් ලබා ගැනීමට එමගින් ඉඩ සැළසෙනවා. බස් රථ හා දුම්රිය කාල සටහන් අන්තර්ජාලය ඔස්සේ ලබා ගැනීමට ද පහසුකම් සලසා තිබීම විශේෂත්වයක්. ආරක්‍ෂිතව වාහන ගාල්කර තැබීමට ද සැලැස්මක් ක්‍රියාත්මක කර තිබෙනවා.

ගමනාගමනය සඳහා ගතවන කාලය විශාල වශයෙන් අඩුකර ගැනීමට හැකිවීම ජනතාවට ලැබෙන සහනයක්. ව්‍යාපෘතියේ සමස්ථ අයෝජනය රුපියල් මිලියන 2000 ක් බහුකාර්ය ගොඩනැගිල්ලකින්ද මධ්‍යස්ථානය සමන්විතයි. එම ගොඩනැගිල්ල සදහා සූර්යබලශක්තියෙන් විදුලි සැපයුම ලබා ගෙන තිබෙනවා.

 

ITN News Editor
By ITN News Editor මාර්තු 31, 2019 16:30

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්