fbpx

Life+News The Official News Portal of Independent Television Network Ltd

කාන්තාවන්ටත් ත්‍රි වීලර් හා යතුරු පැදි අළුත්වැඩියාව පිළිබඳ පාඨමාලාවක්

ITN News Editor
By ITN News Editor පෙබරවාරි 28, 2019 13:47

කාන්තාවන්ටත් ත්‍රි වීලර් හා යතුරු පැදි අළුත්වැඩියාව පිළිබඳ පාඨමාලාවක්

කාන්තාවන් සවි බලගැන්විම උදෙසා ශ්‍රි ලංකා කාන්තා කාර්යංශය විසින් ඩේවිඩ් පිරිස් මෝටර් රථ සමාගම හා ජාතික ආධුනික හා පුහුණු කිරිමේ ආයතනය එක්ව සංවිධානය කරනු ලබන ත්‍රි වීලර් හා යතුරු පැදි අළුත්වැඩියාව පිළිබඳ මාස 06ක පාථමාලාවක් ආරම්භ කර ඇතැයි අද(28) රජයේ ප්‍රවාත්ති දෙපාර්තමේන්තුවේ පැවැති මාධ්‍ය සාකච්ඡාවක දි කාන්තා කාර්යංශයේ අධක්ෂ චම්පා උපසේන මහත්මිය පැවසුවාය.

මේ යටතේ ත්‍රිවීලර් රථ අලුත් වැඩියා කිරිම,අමතර කොටස් සම්බන්ධයෙන් දැනුම ලබා දිම, හා ඒ ආශ්‍රිතව රැකියා අවස්ථාවන් සඳහා කාන්තාවන් යොමු කිරිම මෙහි අරමුණ වේ.මෙහිදි කාන්තාවකට තනිව ම ත්‍රිවීලර් රථයක් අලුත් වැඩියා කිරිමේ පුහුණුව මෙම පාඨමාලාවෙන් ලබා දිම හා ඒ සඳහා NVQ පාඨමාලාව සහතික පත්‍රයක් ලබා දිම අදහස් කරන බව අධ්‍යක්ෂවරිය වැඩිදුරටත් පැවසිය.

මේවන විට කළුතර,පොළොන්නරුව,කිලිනෝච්චිය,අනුරාධපුරය යන දිස්ත්‍රික්වල මෙම පාඨමාලාව අවසන් වි ඇති අතර ගාල්ල හා මාතර දිස්ත්‍රික්කවල මෙම පාඨමාලාව ක්‍රියාත්මක වේ.

කිසිදු වයස් සීමාවක් හා අධ්‍යාපන සුදුසුකමක් අවශ්‍ය නොවන අතර ඕනැම වයස් මට්ටමක හා ඕනෑම අධ්‍යාපනික මට්ටමක කාන්තාවකට මෙම පාඨමාලාවට ඉල්ලුම් කළ හැක.ඉල්ලුම්පත් කාන්තා කාර්යංශයට ලබා දිය යුතු බව දි කාන්තා කාර්යංශයේ අධක්ෂ චම්පා උපසේන මහත්මිය පවසයි.

ITN News Editor
By ITN News Editor පෙබරවාරි 28, 2019 13:47

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්