fbpx

Life+News The Official News Portal of Independent Television Network Ltd

දෙස් විදෙස් වෙළෙදපොළට ගැළපෙන ඉල්ලුම ඇති බෝග ප්‍රචලිත කරන්න- කෘෂිකර්ම ඇමතිගෙන් උපදෙස්

ITN News Editor
By ITN News Editor පෙබරවාරි 3, 2019 10:51

දෙස් විදෙස් වෙළෙදපොළට ගැළපෙන ඉල්ලුම ඇති බෝග ප්‍රචලිත කරන්න- කෘෂිකර්ම ඇමතිගෙන් උපදෙස්

ලෝක බැංකු මුල්‍යාධාර යටතේ ඇමරිකානු ඩොලර් මිලියන 58ක ජාත්‍යන්තර සංවර්ධන සංගමයේ ණය ප්‍රධානයක් අනුව කෘෂිකාර්මික නවීකරණ ව්‍යාපෘතිය මෙරට දිස්ත්‍රික් කිහිපයක ක්‍රියාත්මකය.

මෙමගින් තරගකාරී කෘෂි බෝග නිෂ්පාදනයත් කෘෂිකර්මාන්තය සදහා නවීන තාක්ෂණය භාවිතය පිළිබදව ආදර්ශ ව්‍යාපෘති ගොවීන්ට හදුන්වාදීම සිදුකරනු ලබයි.ශ්‍රී ලංකාවේ සුලු පරිමාන ගොවීන් සදහා අන්නාසි, වැල්දොඩම්, ලොකු ලූණු බීජ, අඹ සහ බිම්මල් වැනි ඉල්ලුමක් සහිත බෝග ව්‍යාපෘති හදුන්වාදෙමින් ඔවුන්ට අවශ්‍ය කෘෂි උපදෙස් සහ මූල්‍යාධාර මෙම නවීකරණ වැඩසටහන හරහා ලබාදෙයි

උතුරු නැගෙනහිර පළාත සදහා දේශීය රටකජු ප්‍රෙභ්ද නව තාක්ෂණය ඔස්සේ වගා කොට ඇති අතර එහි නිෂ්පාදනයහි ප්‍රගතිය පිළිබද අමාත්‍යවරයා සිය සතුට පළ කලේය.

ටොම් ඊ ජේසී අඹ ව්‍යාපෘතිය මාතලේ යාපනය හා මොණරාගල දිස්ත්‍රික්කයන් කේන්ද්‍ර කරගනිමින් ගොවීන් 440 දෙනකු අතර ක්‍රියාත්මක බවත් තවත් අවුරුදු කිහිපයකින් නෙලාගනු ලබන ගොවීන්ගේ අස්වැන්න විදේශීය වෙලද පලට අලෙවි කිරීමට අවශ්‍ය යොමුකිරීම ව්‍යාපෘතිය හරහා සිදුකල යුතු බව අමාත්‍යවරයා නිලධාරීන්ට කීය.

එසේම දේශීය වෙලද පලට ගැලපෙන ගොවියාගේ ආර්ථිකය ශක්තිමත් කල හැකි ප්‍රභේද මෙම ව්‍යාපෘතිය හරහා හදුන්වා දෙන ලෙස ව්‍යාපෘතියහි නිලධාරීන්ට අමාත්‍යවරයා උපදෙස් දෙන ලදී.

කෘෂි උපකරණ නවීන ජල කළමණාකරණ පද්ධති මෙන්ම කෘෂි මාර්ග ඉදිකිරීම ද නව කෘෂි ව්‍යාපෘතිය හරහා සිදු කරනු ලබයි.කෙසේ වෙතත් මෙම ව්‍යාපෘතිය මගින් ගොවියාව විදෙස් වෙලදපලට යොමු කිරීම ව්‍යාපෘතියෙහි නිලධාරීන්ගේ මූලික වගකීම විය යුතු බව අමාත්‍යවරයා මෙහිදී පෙන්වාදෙන ලදී.

මෙම අවස්ථාවට අමාත්‍යාංශ ලේකම් කේ ඩී එස් රුවන්චන්ද්‍ර මහතා අමාත්‍ය උපදේශිකා ශිරානි වීරකෝන් මහත්මිය ඇතුළු ව්‍යාපෘතියෙහි නිලධාරීන් පිරිසක් සහභාගී වූහ.

ITN News Editor
By ITN News Editor පෙබරවාරි 3, 2019 10:51

ව්‍යාපාරික පුවත්- තවත් මෙතනින්

විශ්ලේෂණ- තවත් මෙතනින්

විශේෂාංග- තවත් මෙතනින්

විනිමය අනුපාත

CountryBuyingSelling
Dollar174.31178.06
USA
Pound219.38226.29
UK
Euro195.48202.19
EU
Yen1.591.65
Japan
Yuan25.1126.28
China
Dollar120.42125.45
Australia
CountryCurrencyRate
Dinar467.71
Dinar580.41
Riyal457.99
Riyal48.42
Riyal47.01
Dirham48.00