Life+News The Official News Portal of Independent Television Network Ltd

උතුරේ සහන කටයුතුවලට ත්‍රිවිධ හමුදාව තවදුරටත්

ITN News Editor
By ITN News Editor දෙසැම්බර් 28, 2018 17:45

උතුරේ සහන කටයුතුවලට ත්‍රිවිධ හමුදාව තවදුරටත්

කාලගුණය හේතුවෙන් ආපදාවට පත් උතුරේ වැසියන්ට සහන සැලසීමේ කටයුතු අඛණ්ඩවම සිදු කෙරෙනවා. ත්‍රිවිධ හමුදාවද ඒ සදහා දිගින් දිගටම සිය දායකත්වය සපයමින් සිටිනවා.

ආපදා පහව ගිය ද අවතැන්වූවන්ට සහන සැලසීමේ කටයුතු මෙන්ම ප්‍රදේශයේ ළිං පිරිසිදු කිරීම ඇතුලු සුබසාධන කටයුතු සදහා ද ඔවුන් දායකත්වය සපයනවා. අධික වර්ෂාවත් සමග උදයාර්කට්ටු වැවේ පිටවානෙහි ඉදිරි කොටසේ එක් පැත්තක කොන්ක්‍රීට් බැම්ම කැඩී හානියට පත්වුණා. ජල පහරට ලක් වී පස සෝදා යාමෙන් පිටවානට වන හානිය නවතාලීම සඳහා යුද හමුදාව දායක වුණා. මෙම පිළිසකර කටයුතු සිදු කළේ 68 වන සේනාංක මූලස්ථානයේ උපදෙස් පරිදි 683 වන බල සේනා මූලස්ථානයේ අධීක්‍ෂණය යටතේ 7 වන ගැමුණු හේවා බලඇණියයි.

කිලිනොච්චිය සහ මුලතිව් දිස්ත්‍රික්වල අඩාල වූ ජන ජීවිත යථා තත්ත්වයට පත් කිරීමට උරදෙමින් සිටින නාවික හමුදාවද ළිං පිරිසිදු කිරීමට දායකත්වය සපයනවා. නාවික හමුදා ජංගම ප්‍රතිආශ්‍රැත යන්ත්‍ර මගින් ළිං 58 ක් මේ වන විට පිරිසිදු කර දී තිබෙනවා. ඊට අමතරව පානීය ජල ලීටර් තුන්දහසක් පමණ ජනතාවට බෙදාහැරීමට නාවික හමුදාව දායකත්වය සැපයූවා.

 

ITN News Editor
By ITN News Editor දෙසැම්බර් 28, 2018 17:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්