fbpx

Life+News The Official News Portal of Independent Television Network Ltd

කටුනායක නව ගුවන් යානා අංගනයක් ඇතුලු මගී පර්යන්තවල පහසුකම් පුළුල් කිරීමට පියවර

ITN News Editor
By ITN News Editor නොවැම්බර් 30, 2018 18:15

කටුනායක නව ගුවන් යානා අංගනයක් ඇතුලු මගී පර්යන්තවල පහසුකම් පුළුල් කිරීමට පියවර

කටුනායක ගුවන්තොටුපොළේ නව ගුවන් යානා අංගනයක් ඇතුලු මගී පර්යන්තවල පහසුකම් පුළුල් කිරීමට පියවර ගෙන තිබෙනවා.

කටුනායක බණ්ඩාරනායක ජාත්‍යන්තර ගුවන්තොටුපොළේ සංවර්ධන කටයුතු යටතේ නව ගුවන් යානා අංගනයක් ඉදිකිරීමේ කටයුතු මේ වන විට ආරම්භ කර තිබෙනවා. ජයිකා ආයතනයේ සහන ණය ආධාර යටතේ ඉදිකෙරෙන ගුවන් යානා අංගනය සදහා රුපියල් දස ලක්‍ෂ හයදහසක් වැය කෙරෙන බව ගුවන් තොටුපොළ හා ගුවන් සේවා සමාගම පෙන්වා දෙනවා. දැනට පවතින අංගනය තුළ ගුවන් යානා 24ක් නවතා තැබීමේ පහසුකම් පවතිනවා. නව අංගනය ඉදිකිරීමත් සමග තවත් ගුවන් යානා 25ක් නවතා තැබීමට හැකිවන බවයි ඔවුන් පෙන්වා දෙන්නේ. මෙමගින් දැනට ඇති ගුවන් යානා තදබදය අවම කර ගැනීමට ද හැකිවනු ඇති. මෙහි ඉදිකිරීම් කටයුතු ලබන ඔක්තෝබර් මාසය වන විට නිම කිරීමටයි සැලසුම් කර ඇත්තේ. ගුවන් මගීන්ගේ පහසුව සදහා පිටවීමේ සහ පැමිණීමේ පර්යන්තවල ද නවීකරණ කටයුතු කිහිපයක් මේ වන විට ආරම්භ කර තිබෙනවා. මෙහි ප්‍රගතිය පරික්‍ෂා කිරීම සඳහා විශේෂ ප්‍රගති සමාලෝචන රැස්වීමක් පැවති අතර අමාත්‍ය නිමල් සිරිපාල ද සිල්වා මහතා එම ගුවන් තොටුපොළ පරිශ්‍රයේ නිරීක්‍ෂණ චාරිකාවකට ද එක්වුණා.

 

ITN News Editor
By ITN News Editor නොවැම්බර් 30, 2018 18:15

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්

Thank you for taking time to Vote for us at BestWeb.lk 2019

logo