fbpx

Life+News The Official News Portal of Independent Television Network Ltd

පාර්ලිමේන්තුව විසුරුවීමට එරෙහි පෙත්සම් විභාගයට සත් පුද්ගල විනිසුරු මඬුල්ලක්

ITN News Editor
By ITN News Editor නොවැම්බර් 26, 2018 16:32

පාර්ලිමේන්තුව විසුරුවීමට එරෙහි පෙත්සම් විභාගයට සත් පුද්ගල විනිසුරු මඬුල්ලක්

පාර්ලිමේන්තුව විසුරුවා හැරීමට නිකුත් කළ ගැසට් පත්‍රය අභියෝගයට ලක්කරමින් ගොනුකර ඇති මූලික අයිතිවාසිකම් පෙත්සම් විභාග කිරීම සදහා විනිසුරුවරුන් හත් දෙනෙකුගෙන් යුතු පූර්ණ විනිසුරු මඩුල්ලක් පත්කිරීමට අගවිනිසුරුවරයා තීරණයකර තිබෙනවා.

අගවිනිසුරු නලීන් පෙරේරා සහ විනිසුරුවරුන් වන බුවනෙක අලුවිහාරේ ,සිසිර ද ආබෘෘ , ප්‍රියන්ත ජයවර්ධන , ප්‍රසන්න ජයවර්ධන , විජිත් මලල්ගොඩ සහ මුර්දු ප්‍රනාන්දු යන මහත්ම මහත්මීන් විනිසුරු මඩුල්ලේ සාමාජිකයන් වනවා. අදාළ මූලික අයිතිවාසිකම් පෙත්සම් ශ්‍රේෂ්ඨාධිකරණයේ පූර්ණ විනිසුරු මඩුල්ලක් ඉදිරියේ විභාගයට ගන්නා ලෙස නීතිපතිවරයා , මහාචාර්ය ජී එල් පීරීස් මහතා ඇතුළු පාර්ශ්ව පහක් මෝසම් මගින් ඉල්ලා තිබුණා. ව්‍යවස්ථාමය සහ ජාතික වැදගත්කමකින් යුත් කරුණක් පෙත්සම්වල අඩංගු බැවින් ඒ සදහා පූර්ණ විනිසුරු මඩුල්ලක් ඉල්ලා සිටින බවයි එම මැදිහත්කාර පාර්ශ්වයන් පවසා ඇත්තේ. පාර්ලිමේන්තුව විසුරුවා හැරීමට නිකුත් කළ ගැසට් පත්‍රය තාවකාලිකව වළකාලමින් ශ්‍රේෂ්ඨාධිකරණය නිකුත් කළ අතුරු තහනම් නියෝගය ලබන මස 7 වනදා තෙක් බලපැවැත්වෙනවා. අදාළ මූලික අයිතිවාසිකම් පෙත්සම් විභාගය ලබන මස 4 වෙනිදා ආරම්භ කිරීමට නියමිතයි. ගැසට් පත්‍රයේ සදහන් ආකාරයට ඉදිරි කටයුතු සිදුකිරීම වලකාලමින් මැතිවරණ කොමිෂන් සභාවටද ශ්‍රේෂ්ඨාධිකරණය අතුරු තහනම් නියෝගයක් නිකුත් කළා. එම නියෝගය ද ලබන මස 7 වනදා තෙක් බල පැවැත්වෙනු ඇති.

 

ITN News Editor
By ITN News Editor නොවැම්බර් 26, 2018 16:32

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්