fbpx

Life+News The Official News Portal of Independent Television Network Ltd

ඉන්දියාවේ යකඩ ගැහැණිය ඉන්දිරා ගාන්ධි…..

ITN News Editor
By ITN News Editor නොවැම්බර් 19, 2018 14:31

ඉන්දියාවේ යකඩ ගැහැණිය ඉන්දිරා ගාන්ධි…..

වර්ෂ 1917 නොවැම්බර් මස 19 දින උපත ලද ඉන්දිරා ප‍්‍රියදර්ශනි ගාන්ධි නම් වූ ඇය ජවහල්ලාර් නේරුගේ දියණියක වනවා. කමලා නේරු එතුමියගේ මව වූ අතර, ඇගේ පියා වූ ජවහල්ලාර් නේරු, ඉන්දියානු සටනේ ප‍්‍රධානත්වය ගෙන කටයුතු කළ අයෙක් වෙනවා. එමෙන්ම ඔහු නිදහස් ඉන්දියාවේ ප‍්‍රථම අග‍්‍රාමත්‍යවරයාද වෙනවා. ඇගේ සීයා මෝත්ලාල් නේරු ඉන්දියාවේ විශිෂ්ඨට නායෙකයෙක්. දේශපාලන පසුබිමක් සහිත නේරු රාජ වංශයේ පවුලක උපත ලද එතුමිය තදබල දේශපාලන වාතාවරණයක හැදී වැඩුණා.

ඉන්දියාවේ යකඩ ගැහැණිය නමින් විරුදාවලිය ලත් ඇය, නමින් ඉන්දිරා ප‍්‍රියදර්ශනි ගාන්ධි  දේශපාලන වශයෙන් පන්නරය ලත් ගාන්ධි පවුලේ සාමාජිකාවක් වෙනවා. ඇගේ පියා නිදහස් ඉන්දියාවේ ප‍්‍රථම අගමැති වූ අතර, ඉන්දිරා ගාන්ධි ඉන්දියාවේ ප‍්‍රථම කාන්තා අගමැගමැතිනිය මෙන්ම ලෝකයේ දෙවනි කාන්තා අගමැතිණිය ලෙස හදුන්වා දෙන්න පුළුවන්. 2011 වර්ෂය වන විටත් ලෝකයේ දිගු කාලයක් අගමැති ධූරය දරන ලැයිස්තුවේ ඇය ප‍්‍රමුඛ ස්ථානයේ පසුවෙනවා. දේශපාලනය වෙනුවෙන් සිය ජිවිතය කැපකළ ඇය උත්තුංග කාන්තාවන්ට පූර්වාදර්ශයක් සැපයූ ගැහැණියකි.

එතුමිය සොමවරීල් විද්‍යාලය, ඔක්ස්ෆඩ් විශ්වවිද්‍යාලය ඇතුලු, ඉන්දියාව, ස්විස්ටර්ලන්තය සහ එංගලන්තයේ පාසල්වල ඉගනුම හදාරා තිබෙනවා. කුඩා කළ සිට එතුමිය ඉතා දක්ෂ, බුද්ධියත් මෙන්ම තරමක මුරණ්ඩු දැරියක් වුණා. නමුත් තම පියාණන්ගේ යහපත් දේශපාලන ආභාශය එතුමියට පූර්වාදර්ශයක් සැපයූ බව එතුමියගේ විශිෂ්ට දේශපාලන ජීවිතය සහ යහපත් ජීවිතාදර්ශය සාක්ෂි දරනවා.

1941 වර්ෂයේ ඔක්ස්ෆර්ඩ් සිට නැවත තම මව් රටට පැමිණීමත් සමඟ ඉන්දිරා ගාන්ධි ඉන්දියානු නිදහස් සටනට අවතීර්ණ වුණා.
1950 වසරේ සිය පියාගේ පුද්ගලික සහයකවරිය ලෙස අනියම් පදනම යටතේ ඇය සේවය කළා.  1964 වසරේ දී නේරුතුමන්ගේ මරණයෙන් පසු එවක ජනාධිපති විසින් ඉන්දිරා රාජ්‍ය සභා සාමාජිකාවක් ලෙස පත්කොට තිබෙනවා.  1965 වසරේ ජවහල්ලාරු නේරුගේ අභාවයත් සමඟ බලයට පත්වූයේ ලාල් බහදුර් රජයයි. ලාල් බහදුර් ශාස්ත‍්‍රිගේ රජයේ ඉන්දිරා ගාන්ධි,  තොරතුරු ප‍්‍රචාරණ අමාත්‍යවරිය වුණා.  එම ප‍්‍රවිශ්ටය ඇගේ දිගු දේශපාලන ගමනක ආරම්භය සටහන් කළා.

සන්ජේ ගාන්ධි සය රවි ගාන්ධි වන ඇගේ පුතුන් දෙදනා ඒවන විට ලන්ඩනයේ ඉගනුම ලැබුවා. මවක ලෙසින් වූ ඇගේ භුමිකාව බෙහෙවින් වෙනස් වූයේ 1966 ලාල් බහදුර් ශාස්ත‍්‍රි හෘදයාභාදයකින් මියයැමත් සමඟයි.මේ අතරේ ශාස්ත‍්‍රින්ගේ හිස් වුණ අගමැති අසුනට ඉන්දිරා පත් වුණා.  1969 වසරේ දී ඉන්දිරා දේශපාලන භූමිකාවේ විප්ලවීය වෙනසකට මුල පිරුවා. වරප‍්‍රසාදය ලත් මහාරාජවරුන් සතුව පැවතියා වූ සම්පත් ජනසතු කළා. තෙල් බැංකු පතල් ආකර වැනි සම්පත් මේ අතර වුණා. ‘දුප්පත්කම අහිමි කරමු’ යන සටන්  පාඨය ඉදිරියට ගෙන මෙහෙය වූ මැතිවරනයෙන් 1971 දී ඉන්දිරා ජයගත්තා.

ජනතාවාදී දේශපාලන ප‍්‍රතිපත්තිය එතුමියගේ ආයුධය වුණා. නිදහස් ඉන්දියවක නිවහල් දේශයත්, ශක්තිමත් ආර්ථිකයත් ගොඩ නැංවීවට එතුමිය නිතර වෙහෙසුණා.  ඉන්දිරා ගාන්ධි විසින් 1971 වසර  වන විට නැගෙනහිර පකිස්තානය ලෙසින් තිබූ භුමිය බංලාදේශය නමින් රටක් නිර්මාණය කළා. බංගලාදේශය ස්වාධින වීම නිසා ඉන්දිරා ගාන්ධිගේ ජනප‍්‍රියත්වය තවදුරටක් තහවුරු වුණා. එවක පැවති සමික්ෂණයට අනුව ඉන්දියාවේ බිහිවුණු හොඳම අග‍්‍රාමාත්‍යවරිය ඉන්දිරා බව ප‍්‍රකාශ වුණා. 1962 ඇගේ පියා වූ නේරු විසින් චීනය සමඟ දේශ සීමා අරගලයක් මුලපුරා තිබුණා. මෙහිදී ඉන්දිරාගේ නුවණ සිය පියාට වඩා ඉදිරියෙන් වූ බව විචාරක අදහස යි.

ජවහල්ලාරු නේරු දේශපාලන භූමිකාවේ දී අනුගමනය කළ ප‍්‍රතිපත්ති ඉන්දිරා පාලන ක‍්‍රමයේ දී ක‍්‍රමයෙන් අභාවයට යන්නට වුණා. නිලධාරීන් සහ අධිකරණ දේශපාලන මැදිහත් වීමකින් තොරව සිදු වුණත් ඉන්දිරා රජයේ පාලන කාලය තුළින් මෙම තත්ත්වය ගිලිහෙන්නට වුණා. පක්ෂපාතීත්වය මුල් කරගෙන දේශපාලන නායකයන් පත්කිරීම මෙන්ම සිවිල් නිලධාරීන් පත්කිරීම ද සිදු විය.

කොන්ග‍්‍රසය සිය අතට ගත් ඇය තමා විසින් ප‍්‍රධාන අමාත්‍යවරයා තෝරාගත් අතර අභ්‍යන්තර ජන්ද තහනම් කරන ලදි. මේ අන්දමේ දේශපාලන වශයෙන් වූ ව්‍යාතකූලත්වය සහඟ හදීසි නීතිය සමඟ ඉන්දිරා රජය ජනතාව අතර අප‍්‍රසාදයට පත්වුණා. නමුත් නව රජයට එතරම් ආයුෂ තිබුණේ නැත. 1980 වසරේ බලයට පත්වීමත් සමඟ ඇය පංජාබ් බෙදුම්වාදීන් සමඟ වූ සටන් ඉදිරියටම ගෙන ගියා. මෙම ක‍්‍රියා කලාපය ඇගේ මරණයට පවා හේතු වු බවයි පැවසෙන්නේ.

මේ වන විට ඇය තම පුතුන් දෙදනා දේශපාලනයට අවතීරණ කිරීමේ ගමන් මග ආරම්භ කළා. එමගින් ද ඇය අපේක්ෂා කළේ දේශපාලනයේ ගමන් මග තවදුරටත් ස්ථාපිත කිරීමටයි. 1976 වසර වන විට සංජේ ගාන්ධි දේශපාලනය වෙනුවෙන් පන්නරය ලබද්දි 1980 වර්ෂයේ දී හදිසි ගුවන් අනතුරකට ගොදුරු වීමත් සමඟ  රජීව් තුළ දේශපාලන උනන්දුව වැඩි විය. නමුත් ඇගේ බලාපොරෝතු සාර්ථක වුණේ නැත. එතුමිය හා ආන්ද්‍ර ප‍්‍රදේශ අතර ගැටුම් ඇතිවිය. පන්ජාබයේ අර්බුදකාරී ත‍්‍රස්ත ක‍්‍රියා මෙන්ම උතුරු නැගෙනහිර ගෝත්‍රක අරගල ඇය අපහසුතාවට පත් කරන්නට විය. 1984 වසරෙදී සික් අන්තවාදින්ගේ රන් දෙවොල ආක‍්‍රමණය කරන්නට අණ ක. 1984 ජූනි මාසයේ ඉන්දීය හමුදාව විසින් සික් දෙවොල ආක‍්‍රමණය කළ අතර සික් ත‍්‍රස්තවාදීන් ජීවිතක්ෂයට පත් වුණා.

වසර 1984 ඔක්තෝඔර් 31 වැනිදා උදෑසන 9.20ට ඉන්දිරා ගාන්ධි ඝාතනයට ලක්වූයේ ඇගේ ශරීරාක්ෂකයින් දෙදනෙකු වූ ෂට්වාන්ට් සින් හා බීන්ට් සින්ගේ වෙඩි ප‍්‍රහාරයකට ලක්වීමෙන් පසුවයි. නවදිල්ලියේ සෆ්ඩාර්ජුන් මාවතේ පිහිටි අංක එක දරණ  අගමැති කාර්යාලය වෙත ඉන්දිරා ගාන්ධි පාගමනින් ගමන් කරමින් සිටිය දී මෙම අවසනාවන්ත මරණය සිදු වූයේ ලොවම කම්පාවට පත් කරමින්ය. එතුමිය මෙලොවෙන් සමුගත්ත ද එතුමියගෙන් වූ අමිල මෙහෙවරට තිත නොතබන්නට එතුමියගේ පවුල කටයුතු කරන බව පැහැදිලිය.

එතුමියගේ ඇවෑමෙන් ඇගේ පුත් රජිව් ගාන්ධි දේශපාලනය වෙනුවෙන් 1991 මැයි 21 ජීවිතය පූජා කළා. ඉතාලි සම්භවයක් ඇතැයි කියමින් බැට කෑ ඇගේ ලේලිය වූ සෝනියා ගාන්ධි රජිව් ගාන්දි වෙනුවෙන් මෙහෙවර ඉදිරියට ගෙන ගියා. 1998 වසරේ පටන් ඇය ඉන්දිය ජාතික කොන්ග‍්‍රසයේ සභාපතිනිය ලෙස කටයුතු කරනු ලබයි. සංජය ගාන්ධිගේ බිරිද වූ මෙනකා ගාන්දි භාරතීය ජනතා පක්ෂයේ සාමාජිකාවකි. ඉන්දිරාගේ මුණුබුරා වූ ෆෙරෝස් ගාන්ධි ඉන්දීය ලෝක් සභාවේ සාමාජිකයෙකි. රාහුල් ගාන්ධි මුණුබුරා දේශපාලන ක්ෂේත‍්‍රය දුර ගමනක් යන්නට සිටින බව විචාරක අදහසයි.

ඉන්දිරා ගාන්ධි නම්  උතුම් කාන්තාව සිය ජීවිතය පමණක් නොව ආත්මයම ජනතාවාදී දේශපාලනයකට කැපකළ පුද්ගලයෙකු වනවා. තමාගේ පියා, පියාගේ පියා ඇතුලු පවුලේ ගෞරවය සුරකින්නට හැකි සෑම වියම ඇය උත්තසහ කළා. තමාගේ දේශය, තමාගේ ජනතාව වෙනුවෙන් යමක් කළ යුතුමයි යන්න විශ්වාසයෙන් යුතුව ඉටු කිරීමට ඇය සතු වූ ධෛර්ය අපිරිමිතයි.  ලෝයේ බිහිවූ විශිෂ්ට කාන්තාවන් අතරින් ඉන්දිරා ගාන්ධි ඉන්දියාවේ යකඩ ගැහැනිය ලෙස විරුදාවලිය ලබන්නේ එ් නිසා වෙන්මය.

 

(අදට (11-19) යෙදෙන  ඉන්දිරා ගාන්ධි ජන්ම දින සැමරුම  වෙනුවෙනි)

 

 

 

ITN News Editor
By ITN News Editor නොවැම්බර් 19, 2018 14:31

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්