fbpx

Life+News The Official News Portal of Independent Television Network Ltd

මැණික් හා ස්වර්ණාභරණ ක්ෂේත‍්‍රයේ ගැටලු විසඳීමට නව වැඩපිළිවෙළක්

ITN News Editor
By ITN News Editor නොවැම්බර් 9, 2018 15:16

මැණික් හා ස්වර්ණාභරණ ක්ෂේත‍්‍රයේ ගැටලු විසඳීමට නව වැඩපිළිවෙළක්

ඉකුත් වසර තුනහමාර තුළ විටින් විට ඉල්ලීම් සිදු කෙරුණ ද මැණික් හා ස්වර්ණාභරණ කර්මාන්තයේ මෙතෙක් නොවිසඳුණ ගැටලු විසඳිමට විශේෂ වැඩපිළිවෙළක් කි‍්‍රයාත්මක කරන බව ජනාධිපතිතුමා පවසනවා. ඒ සඳහා කැබිනට් උප කමිටුවක් ද පත් කරන බව ජනාධිපතිතුමා සඳහන් කළා.

ජනාධිපති මෛතී‍්‍රපාල සිරිසේන මැතිතුමා මේ බව ප‍්‍රකාශ කළේ මැණික් හා ස්වර්ණාභරණ කර්මාන්තයේ පවතින ගැටලු පිළිබඳ අද (09) පෙරවරුවේ ජනාධිපති කාර්යාලයේ පැවති සාකච්ඡාවේ දී ය.

ක්ෂේත‍්‍රයේ දීර්ඝ කාලයක් පුරා පවතින මෙම ගැටලු විසදීමේ දී වඩා ලිහිල් ප‍්‍රතිපත්තියක් අනුගමනය කිරීමට නව රජය අපේක්ෂා කරන බව ද ජනාධිපතිතුමා සදහන් කළා.

නීති විරෝධි පතල් කැණීම් සම්බන්ධ වැටලීම් මෙන්ම ව්‍යාජ මැණික් අලෙවිකරන්නන් වැටලීම් පිළිබඳව ද මෙහි දී විශේෂ සාකච්ඡාවට බඳුන් වූ අතර ඉකුත් වසරක් තුළ එම වැටලීම් පිළිබඳ වාර්තාවක් ලබන සතිය වන විට තමා වෙත ලබා දෙන ලෙස ජනාධිපතිතුමා අදාළ නිලධාරින්ට උපදෙස් දී තිබෙනවා.

ඉඩම් ප‍්‍රතිසංස්කරණ කොමිෂන් සභාවේ ඉඩම්වල පතල් කැණීම සඳහා බලපත‍්‍ර නිකුත් කිරීම, කුඹුරු ඉඩම් පතල් කැණීම් සඳහා යොදාගැනීම සම්බන්ධයෙන් ගොවිජන සංවර්ධන දෙපාර්තමේන්තුව නිකුත් කර ඇති චක‍්‍රලේඛය, යාන්ති‍්‍රක පතල් කැණීම් සඳහා අවසර ලබාදීම, පතල් කැණීම් සිදුකිරීමෙන් අනතුරුව පතල් වසා දැමීමට කටයුතු නොකිරීම, මැණික් පතල් කැණීම් බලපත‍්‍රය ලබාගැනීම සඳහා ගතවන කාලය ඇතුළු කරුණු කිහිපයක් පිළිබඳව ද මෙහි දී අවධානය යොමු කර තිබුණා.

මුදල් හා ආර්ථික කටයුතු අමාත්‍යාංශයේ ලේකම් එස්. ආර්. ආටිගල, මහවැලි සංවර්ධන හා පරිසර අමාත්‍යාංශයේ ලේකම් අනුර දිසානායක, ජාතික මැණික් හා ස්වාර්ණාභරණ අධිකාරියේ සභාපති පේෂල ජයරත්න, ඉඩම් කොමසාරිස් ජනරාල් ආර්. එම්. සී. එම්. හේරත් යන මහත්ම මහත්මීන් ඇතුළු රාජ්‍ය නිලධාරින් ද පොලිස්පති පූජිත ජයසුන්දර මහතා ඇතුළු පිරිසක් මෙම සාකච්ඡාවට එක්ව සිටියා.

ITN News Editor
By ITN News Editor නොවැම්බර් 9, 2018 15:16

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්