Life+News The Official News Portal of Independent Television Network Ltd

ජනපති සහ විදෙස් තානාපතිවරුන් අතර හමුවක්

ITN News Editor
By ITN News Editor ඔක්තෝබර් 30, 2018 08:40

ජනපති සහ විදෙස් තානාපතිවරුන් අතර හමුවක්

ශ‍්‍රී ලංකාව තුළ මේ වනවිට ඇතිවී තිබෙන දේශපාලන තත්ත්වය පිළිබඳ විදෙස් තානාපතිවරුන් සහ මහකොමසාරිස්වරුන් දැනුවත් කිරීමේ හමුවක් ජනාධිපති මෛත‍්‍රීපාල සිරිසේන මැතිතුමාගේ ප‍්‍රධානත්වයෙන් ඊයේ (29) පස්වරුවේ ජනාධිපති කාර්යාලයේ දී පැවැත්විණි.

නව අග‍්‍රාමාත්‍යවරයෙක් පත්කිරීමට ගත් තීරණයට හේතු වූ ඉකුත් රජයේ පැවති ගැටලු සහගත තත්ත්වය පිළිබඳ මෙහිදී ජනාධිපතිතුමා එම තානාපතිවරුන් සහ මහකොමසාරිස්වරුන් දැනුවත් කළේය.

විදෙස් තානාපතිවරුන් කිහිප දෙනෙකු අදහස් දක්වමින් සඳහන් කර සිටියේ රටේ ව්‍යවස්ථාවට අනුකූලව සහ රට තුළ සාමය ආරක්ෂා වන පරිදි කටයුතු සිදු විය යුතු බව ඔවුන් අපේක්ෂා කරන බවයි.

රටේ පවතින ව්‍යවස්ථාවට අනුකූලව හා තමන් වෙත පැවරී ඇති බලතල අනුව අග‍්‍රාමාත්‍යවරයා පත්කිරීම සිදුකළ බව මෙහිදී අවධාරණය කළ ජනාධිපතිතුමා, නව රජය ලෙස නොබැඳි පිළිවෙත අනුව සියලු රටවල් සමඟ පවතින සබඳතා තවදුරටත් ශක්තිමත් ව පවත්වාගෙන යාමට සහ රජයේ සංවර්ධන කටයුතු සඳහා සෑම රටකම සහය අපේක්ෂා කරන බව ද කියා සිටියේය.

ප‍්‍රජාතන්ත‍්‍රවාදය, මානව හිමිකම්, මාධ්‍ය නිදහස, සාමය සහ සියලු ජාතීන් අතර සහජීවනය තව දුරටත් තහවුරු කරමින් ශක්තිමත්ව ඉදිරියට ගෙන යාම නව රජයේ බලාපොරොත්තුව බව ද ජනාධිපතිතුමා මෙහිදී වැඩි දුරටත් සඳහන් කළේය.

ශ‍්‍රී ලංකාවේ සිටින සියලුම විදෙස් තානාපතිවරුන් සහ මහ කොමසාරිස්වරුන් මෙම හමුවට එක්ව සිටි අතර, සරත් අමුණුගම සහ මහින්ද සමරසිංහ යන අමාත්‍යවරුන් ද මහාචාර්ය ජී.එල්. පීරිස් මහතා ද ඊට එක්ව සිටියහ.

ITN News Editor
By ITN News Editor ඔක්තෝබර් 30, 2018 08:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්