දිවයිනට ගිනිකොන දෙසින් පහල වායුගෝලයේ පවතින කැළඹිලි ස්වභාවය හේතුවෙන් දැනට පවතින වැසි තත්ත්වය තවදුරටත් අපේක්ෂා කරන බව කාලගුණ විද්යා දෙපාර්තමේන්තුව පවසයි.උතුරු, උතුරු-මැද, නැගෙනහිර සහ ඌව පළාත්වලත් මාතලේ සහ හම්බන්තොට දිස්ත්රික්කවලත් විටින්විට වැසි හෝ ගිගුරුම් සහිත වැසිඇති වේ.දිවයිනේ සෙසු ප්රදේශවල සවස 2.00 න් පමණ පසුවවැසි හෝ ගිගුරුම් සහිත වැසිඇති වේ.ඇතැම් ස්ථානවලට විශේෂයෙන් මධ්යම, සබරගමුව, ඌව, නැගෙනහිර සහ උතුරු-මැද පළාත්වලත් ගාල්ල සහ මාතර දිස්ත්රික්කවලත් මි.මී. 100-150 පමණ තද වැසි ඇති වේ.බස්නාහිර, සබරගමුව සහ මධ්යම පළාත්වල සමහර ප්රදේශවල උදෑසන කාලයේදී මීදුම් සහිත තත්ත්වයක් අපේක්ෂා කල හැක.ගිගුරුම් සහිත වැසි ඇති වන විට එම ප්රදේශවල තාවකාලිකව තද සුළං ඇති විය හැකි අතර අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් කාරුණිකව ඉල්ලා සිටිනවා.
දිවයිනට ගිනිකොන දෙසින් බෙංගාල බොක්ක මුහුදු ප්රදේශයේ, පහල වායුගෝලයේ පවතින කැළඹිලි ස්වභාවය හේතුවෙන් දිවයින වටා වන මුහුදු ප්රදේශවල දැනට පවතින වැසි තත්ත්වය තවදුරටත් අපේක්ෂා කෙරේ.හම්බන්තොට සිට මඩකලපුව සිට ත්රිකුණාමලය හරහා කන්කසන්තුරය දක්වා මුහුදු ප්රදේශවල විටින්විට වැසි හෝ ගිගුරුම් සහිත වැසි ඇති අතර දිවයින වටා වන සෙසු මුහුදු ප්රදේශවල සවස් කාලයේ දී හෝ රාත්රි කාලයේ දී වැසි හෝ ගිගුරුම් සහිත වැසි ඇති වේ.දිවයින වටා මුහුදු ප්රදේශවල ඇතැම් ස්ථානවලට තද වැසි ද ඇතිවිය හැක.මඩකළපුව සිට කන්කසන්තුරය හරහා පුත්තලම දක්වා වෙරළට ඔබ්බෙන් වන මුහුදු ප්රදේශවල සුළං ඊසාන දෙසින් හමන අතර සුළගේ වේගය පැ.කී.මී. 20-30 පමණ වන අතර විටින් විට සුළගේ වේගය පැ.කී.මී. 45 පමණ දක්වා වැඩි විය හැක.දිවයින වටා සෙසු මුහුදු ප්රදේශවල සුළං නිශ්චිත දිශාවකින් තොරව හමන අතර සුළගේ වේගය පැ.කී.මී. 10-20 පමණ වේ.ගිගුරුම් සහිත වැසි ඇති වන විට එම ප්රදේශවල තාවකාලිකව තද සුළං ඇති විය හැකි අතර එවිට එම මුහුදු ප්රදේශ තාවකාලිකව රළු විය හැකි බව කාලගුණ විද්යා දෙපාර්තමේන්තුව පවසයි.