Life+News The Official News Portal of Independent Television Network Ltd

කෘෂිකර්මාන්තයේ නව පරිවර්තනයකට මේ සුදුසු කාලයයි

ITN News Editor
By ITN News Editor ඔක්තෝබර් 25, 2018 15:18

කෘෂිකර්මාන්තයේ නව පරිවර්තනයකට මේ සුදුසු කාලයයි

වසර කිහිපයක් පුරා පැවති නියං තත්ත්වය පහව ගොස් රටට වැසි ලැඛෙමින් පවතින මෙම අවස්ථාව කෘෂිකර්මාන්තයේ නව පරිවර්තනයක් සඳහා සූදානම් වීමට ඉතා උචිත අවස්ථාවක් බව ජනාධිපතිතුමා පවසයි.

අපේ රටේ වගා කළ හැකි එහෙත් පිටරටින් ගෙන්වන ආහාර ද්‍රව්‍ය සීමා කර ස්වශක්තියෙන් නැඟී සිටීමේ කෘෂි ආර්ථීක වැඩපිළිවෙළට අප කඩිනමින් අවතීර්ණ විය යුතුව ඇති බව ද ජනාධිපතිතුමා කියා සිටියේ ය.

කටුපොත, පොතුවැව, ශෛලතලාරාම රජමහා විහාරයේ අභිනව ධාතු මන්දිරය විවෘත කිරීමේ පුණ්‍යෝත්සවය ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් අද (25) පෙරවරුවේ පැවැත්වුණු අතර ඉන් අනතුරුව ප්‍රදේශයේ ජනතාව අමතමින් ජනාධිපතිතුමා මේ බව ප්‍රකාශ කළේය.

කාලගුණික සහ දේශගුණික විපර්යාස හමුවේ මුහුණ දීමට සිදුව ඇති අභියෝග තේරුම් ගනිමින් රටේ ආර්ථීක ගැටලූ විසඳා ගැනීමට සියලූදෙනා සාමුහික ප්‍රයත්නයකට එක්වීමේ වැදගත්කම ද ජනාධිපතිතුමා මෙහි දී පෙන්වා දුන්නේ ය.

ඓතිහාසික වටිනාකම් රැසකින් යුත් දර්ශනීය විහාරස්ථානයක් වන කටුපොත, පොතුවැව, ශෛලතලාරාම රජමහා විහාරය වෙත ගිය ජනාධිපතිතුමා පළමුව ආගමික වතාවත්වල නිරත විය.අනතුරුව සමරු ඵලකය නිරාවරණය කර අභිනව දෙමහල් ධාතු මන්දිරය විවෘත කරනු ලැබිය. ධාතුන් වහන්සේ වෙත පළමු පුෂ්පෝපහාරය ද ජනාධිපතිතුමා අතින් සිදු කෙරිණි.

ඉන්දියාවෙන් වැඩම කරවන ලද සුදු බෝධින් වහන්සේ රෝපණය කිරීම සිදු කෙරුණේ ද ජනාධිපතිතුමා අතිනි. අනතුරුව ජනාධිපතිතුමා ඓතිහාසික වැදගත්කමකින් යුත් කෞතුක වස්තු නරඹමින් පුදබිම පරිශ්‍රයේ නිරික්ෂණ චාරිකාවක ද නිරත විය.

වයඹ පළාතේ කටුගම්පොල හත්පත්තුවේ උප ප්‍රධාන සංඝනායක කටුපොත, පොතුවැව ශ්‍රී ශෛලතලාරාම රජමහා විහාරාධිපති පූජ්‍ය බෝගහපිටියේ ධම්මිස්සර නායක ස්වාමින් වහන්සේ සහ අමාත්‍ය එස්.බි. නාවින්න, හිටපු අමාත්‍ය දයාසිරි ජයසේකර, වයඹ පළාත් ප්‍රධාන අමාත්‍ය ධර්මසිරි දසනායක, අතුල විෙජ්සිංහ, ශාන්ත බණ්ඩාර යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.

 

 

ITN News Editor
By ITN News Editor ඔක්තෝබර් 25, 2018 15:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්