fbpx

Life+News The Official News Portal of Independent Television Network Ltd

යොවුන් ඔලිම්පික් ක්‍රීඩා උළෙලේ දී ශ්‍රී ලංකාවට පළමු මලල ක්‍රීඩා පදක්කම පාරමීගෙන්

ITN News Editor
By ITN News Editor ඔක්තෝබර් 16, 2018 17:05

යොවුන් ඔලිම්පික් ක්‍රීඩා උළෙලේ දී ශ්‍රී ලංකාවට පළමු මලල ක්‍රීඩා පදක්කම පාරමීගෙන්

යොවුන් ඔලිම්පික් ක්‍රීඩා උළලේදී පළමු කේවල පදක්කම දිනා ගැනීමට පාරමී වසන්ති ක්‍රීඩිකාව සමත් වුණා. ආජන්ටිනාවේ පැවැත්වෙන යොවුන් ඔලිම්පික් තරගාවලියේ මීටර් 2000 බාධක දිවීම කාන්තා තරගයෙන් ලෝකඩ පදක්කම දිනා ගැනීමට පාරමී වසන්ති ක්‍රීඩිකාව සමත් වුණා. එහිදී ඇය තරගය නිම කිරීමට ගත කළ කාලය විනාඩි 6 යි තත්ත්පර 33 යි දශම බිංදුවයි හයක්. එය ඇයගේ පෞද්ගලික හොදම කාලයයි.

මෙම ක්‍රීඩිකාව තරගාවලියට එක්වීමට පෙර ITN ප්‍රවෘත්ති අංශය ශ්‍රී ලංකාවට පදක්කම් බලාපොරොත්තු තැබිය හැකි ක්‍රීඩිකාවක් ලෙස ඇය රට හමුවේ අනාවරණය කළා. ඇය ලබා ගත් මෙම පදක්කම ඉතිහාසයට එක්වන්නේ ශ්‍රී ලංකාව කේවළ ඉසව්වකින් යොවුන් ඔලිම්පික් ක්‍රීඩා උළෙලකදී ලබා ගත් පළමු පදක්කම ලෙසයි. මෙම තරගාවලියේදීම බැඩ්මින්ටන් කණ්ඩායම් ඉසව්වෙන් ශ්‍රී ලංකාවට රන් පදක්කමක් දිනා දීමට හසිනි අම්බලන්ගොඩ ක්‍රීඩිකාව සමත් වුණා.

 

ITN News Editor
By ITN News Editor ඔක්තෝබර් 16, 2018 17:05

ක්‍රීඩා පුවත්- තවත් මෙතනින්

ක්‍රිකට්- තවත් මෙතනින්

පාපන්දු- තවත් මෙතනින්

මලල ක්‍රීඩා- තවත් මෙතනින්

වෙනත් ක්‍රීඩා- තවත් මෙතනින්