Life+News The Official News Portal of Independent Television Network Ltd

ආර්ථික යුද්ධයෙන් සංවර්ධිත රටවලටත් දැඩි බලපෑමක්

ITN News Editor
By ITN News Editor ඔක්තෝබර් 10, 2018 17:14

ආර්ථික යුද්ධයෙන් සංවර්ධිත රටවලටත් දැඩි බලපෑමක්

සංවර්ධනය වෙමින් පවතින රටවලට පමණක් නොව සංවර්ධිත රටවලට ද ආර්ථික යුද්ධය දැඩි බලපෑමක් එල්ලකර ඇති බව අමාත්‍ය මංගල සමරවීර මහතා පවසනවා.

ඉන්දුනීසියාවේ බාලි නුවරදී මේ සතියේ පැවැත්වෙන සංවර්ධනය වෙමින් පවතින රටවල ජී 24 සමුළුවේ සභාපතීත්වය දරන්නේ අමාත්‍ය මංගල සමරවීර මහතායි. ඊට සහභාගිවීමට පෙර පැවති සම්මුඛ සාකච්ඡාවකදීයි අමාත්‍යවරයා මේ බව කියාසිටියේ. ජාත්‍යන්තර මූල්‍ය අරමුදල සහ ලෝක බැංකුව එක්ව සංවිධාන කරන මෙම සමුළුවට සංවර්ධනය වෙමින් පවතින රටවල් 24 ක මූල්‍ය ප්‍රධානීන් එක්වනවා.

මෙම සම්මුඛ සාකච්ඡාවට එක්වෙමින් අමාත්‍ය මංගල සමරවීර මහතා කියාසිටියේ තුර්කිය, දකුණු අප්‍රිකාව සහ ආජන්ටිනාව ඇතුළු රටවල් රැසක් ණය අර්බුදයට මුහුණ දෙමින් සිටින බවයි. එමෙන්ම ඉතාලිය, ජපානය හා ඇමෙරිකාව වැනි ප්‍රබල රටවල් ද ණය ගැටලුවට මුහුණ දුන්නද ඔවුන්ගේ ඉහළ ආදායම් තත්ත්වය හේතුවෙන් එය බරපතල ගැටලුවක් වී නොමැති බව ඒ මහතා පෙන්වා දුන්නා.

ණය අර්බුදයට මුහුණදීමේ දී ජාත්‍යන්තර මූල්‍ය අරමුදල සහ ලෝක බැංකුව සංවර්ධනය වෙමින් පවතින රටවලට උපරිමයෙන් මූල්‍ය මෙන්ම උපදේශන පහසුකම් ලබාදෙන බව මංගල සමරවීර මහතා ප්‍රකාශ කළා. ඉදිරියේ දී ඇරඹෙන බාලි සමුළුවේ දී සංවර්ධනය වෙමින් පවතින රටවලට ඇති අභියෝග පිළිබඳ දැඩි අවධානයක් යොමු කරන බවයි හෙතෙම අවධාරණය කළේ.

ITN News Editor
By ITN News Editor ඔක්තෝබර් 10, 2018 17:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්