fbpx

Life+News The Official News Portal of Independent Television Network Ltd

18වන කොළඹ මැරතන් සවාරියට ක්‍රීඩක ක්‍රීඩිකාවන් හත්දහසක්

ITN News Editor
By ITN News Editor ඔක්තෝබර් 7, 2018 11:39

18වන කොළඹ මැරතන් සවාරියට ක්‍රීඩක ක්‍රීඩිකාවන් හත්දහසක්

දහඅටවන කොළඹ මැරතන් සවාරිය ක්‍රීඩක ක්‍රීඩිකාවන් හත්දහසක පමණ සහභාගිත්වයෙන් අද(07) පැවැත්වුනා. ක්‍රීඩා අමාත්‍යාංශය, සංචාරක අමාත්‍යාංශය, බස්නාහිර පළාත් සභා හා එල් එස් ආර් ස්පොර්ට් රයිසින් ආයතනය එක්වයි මෙවර තරගාවලිය සංවිධාන කර තිබෙන්නේ. තරගාවලිය සදහා විදේශ රටවල් 45 ක පමණ ක්‍රීඩක ක්‍රීඩිකාවන් හාරසියකට ආසන්න ප්‍රමාණයක් එක්ව සිටියා. තරගයේ පිරිමි අංශයේ ප්‍රථම ස්ථානය කෙන්නියාවේ ජෙම්ස් ජෙලින් හිමි කර ගත් අතර ඒ සදහා ඔහු ගත කල කාලය පැය 02 යි විනාඩි 22 යි තප්පර 52 ක්. එම අංශයේ දෙවන ස්ථානය දිනා ගත්තේ ස්ටෙෆාන් මගාති .  පිරිමි  අංශයේ තුන්වන ස්ථානය ශ්‍රී ලංකා පොලිසිය නියෝජනය කළ අමිල සරත් කුමාර හිමි කර ගත්තා.

තරගාවලියේ කාන්තා අංශයේ ප්‍රථම ස්ථානය දිනා ගැනිමට කෙන්නියානු ක්‍රීඩිකා මාගරට් යුගුනා සමත් වුණා. ඒ සදහා ඇය ගත කළ කාලය පැය 02 යි විනාඩි 52 යි තප්පර 54 යි. කාන්තා අංශයේ දෙවන ස්ථානයේ කෙන්නයාවේ එමලි ජෙෆ්කොයිඩ් දිනා ගත් අතර තුන්වන ස්ථානය දිනා ගත්තේ ශ්‍රී ලංකා නාවික හමුදාව නියෝජනය කළ සුජානි මධුමාලි පෙරේරායි.

 

 

ITN News Editor
By ITN News Editor ඔක්තෝබර් 7, 2018 11:39

ක්‍රීඩා පුවත්- තවත් මෙතනින්

ක්‍රිකට්- තවත් මෙතනින්

පාපන්දු- තවත් මෙතනින්

මලල ක්‍රීඩා- තවත් මෙතනින්

වෙනත් ක්‍රීඩා- තවත් මෙතනින්