fbpx

Life+News The Official News Portal of Independent Television Network Ltd

සුනාමිය නිසා ඉන්දුනීසියාවේ මිය ගිය සංඛ්‍යාව 832 දක්වා ඉහළට

ITN News Editor
By ITN News Editor සැප්තැම්බර් 30, 2018 16:51

සුනාමිය නිසා ඉන්දුනීසියාවේ මිය ගිය සංඛ්‍යාව 832 දක්වා ඉහළට

ඉන්දුනීසියාවට බලපෑ සුනාමි තත්ත්වයත් සමග ජීවිතක්ෂයට පත් වූ පුද්ගලයන් සංඛ්‍යාව 832 දක්වා ඉහළ ගොස් තිබෙනවා. මේ අතර ප්‍රබල පසු කම්පනවලින් ද බලපෑම් එල්ල වී ඇති බවයි එරට වාර්තා සදහන් කරන්නේ. ඉන්දුනීසියාවේ පලු නගරයට බලපෑ භූ කම්පනයේ විශාලත්වය රිච්ටර් පරිමාන හතයි දශම පහක් ලෙසයි සටහන් වුණේ. ඉන් අතුරුදන් වූ පුද්ගලයන් සෙවීමේ මෙහෙයුම් අඛණ්ඩව ක්‍රියාත්මකයි.

මිය ගිය පිරිස තවදුරටත් ඉහළ යා හැකි බව ද සදහන්. සුනාමියෙන් අවතැන් වූ පුද්ගලයන් සංඛ්‍යාව මිලියන 1.6 කට අධිකයි. ඔවුන්ට පානීය, ජලය ආහාර සහ සෞඛ්‍ය පහසුකම්වල හිඟයක්ද පවතිනවා.  පලු නගරයේ මුහුදු වෙරළ ආසන්නයේ උත්සවයකට  සූදානම්ව සිටි පුද්ගලයන් සිය ගණනක් ද දැඩි රළපහරට හසුවී ජීවිතක්ෂයට පත් වුණා. එම ප්‍රදේශයට අඩි 18 ක් පමණ  උසින් යුත්  මුහුදු රළ පැමිණ ඇති බව සදහන්.

සුනාමියෙන් ජීවිතක්ෂයට පත් පිරිස සමූහ ආදාහනය කිරීමට ද කටයුතු කෙරුණා.  සුනාමියක්  ඇතිවන බවට ඉන්දුනීසියා කාලගුණ අංශ අනතුරු ඇගවීම් නිකුත් කළ ද පැයක කාලයක් ඇතුළත එය ඉවත් කර තිබෙනවා. ඒ හේතුවෙන් ජනතාව  අවධානම නොතකා හැර ඇති බවද වාර්තා වනවා.

ITN News Editor
By ITN News Editor සැප්තැම්බර් 30, 2018 16:51

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්