Life+News The Official News Portal of Independent Television Network Ltd

ගාමිණී සෙනරත්ට එරෙහි නඩුව දිනපතා විභාගයට

ITN News Editor
By ITN News Editor සැප්තැම්බර් 28, 2018 11:30

ගාමිණී සෙනරත්ට එරෙහි නඩුව දිනපතා විභාගයට

හිටපු ජානාධිපති මහින්ද රාජපක්ෂ මහතාගේ කාර්යමණ්ඩල ප්‍රධානී ලෙස කටයුතු කළ ගාමිණී සෙනරත් මහතා ඇතුළු හතර දෙනෙකුට එරෙහි නඩුව දිනපතා විභාගයට ගැනීමට නියෝග කෙරුණා. මෙම නඩුව ලබන මස 30 වැනිදා සිට දිනපතා විභාගයට ගැනීමටයි මහා පරිමාණයේ මූල්‍ය වංචා සහ දූෂණ නඩු විභාග කිරිමට පත්කළ පළමු විශේෂ ත්‍රිපුද්ගල මහාධිකරණය තීරණය කළේ.

ඒ අනුව මෙම නඩුවේ පළමු ,දෙවැනි,තුන්වැනි සහ හතරවැනි සාක්ෂිකරුවන්ට ඔක්තෝම්බර් 30 වැනිදා අධිකරණයේ පෙනී සිටීමට සිතාසි නිකුත් කෙරුණා. ගාමිණී සෙනරත් මහතා මෙන්ම නඩුවේ සෙසු විත්තිකරුවන් විශේෂ ත්‍රිපුද්ගල මහාධිකරණය හමුවේ අද (28) පෙනී සිටියා. ශ්‍රී ලංකා රක්ෂණ සංස්ථාවේ හිටපු කළමනාකාර අධ්‍යක්ෂ පියදාස කුඩාබාලගේ, හිටපු සමෘද්ධි කොමසාරිස් නීල් බණ්ඩාර හපුවින්න සහ , ලසන්ත බණ්ඩාර මෙම නඩුවේ සෙසු විත්තිකරුවන් වනවා.

ලිට්රෝ ලංකා ගෑස් සමාගමෙන් කැන්වින් හෝල්ඩින්ග්ස් සමාගමට  ලබාදුන් රුපියල් මිලියන 500ක මුදලක් හෙලන්කෝ හොටෙල් පුද්ගලික සමාගමේ නීතිවිරෝධී ලෙසට ආයෝජනය කිරීමෙන් මෙම මුල්‍ය වංචාව සිදු කර ඇති බවටයි ඔවුන්ට චෝදනා එල්ලවී ඇත්තේ. මෙම නඩුවට අදාළ ලේඛන විත්ති පාර්ශ්වයට ලැබී ඇත්ද යන්න විමසීමට නඩුව ඔක්තෝම්බර් 8 වැනිදා කැදවීමට ද නියෝග කෙරුණා. විත්තිකරුවන්ට එරෙහිව නීතිපතිවරයා අධිචෝදනා ගොනුකර තිබෙනවා. ඒ පොදු දේපළ පනත මුදල් විශුද්ධිකරණය වැලැක්වීමේ පනත සහ දණ්ඩනීතී සංග්‍රහය යටතේ යි.

ශ්‍රී ලංකා රක්ෂණ සංස්ථාවට අනුබද්ධිත සමාගමක් යටතේ ඉදිකෙරෙන ග්‍රෑන්ඩ් හයිට් රීජන්ට් හොටෙල් ව්‍යාපෘතිය සදහා 2012 වසරේ කැබිනට් අනුමැතිය මත රුපියල් බිලියන 18.5ක් වෙන් කෙරුණා. ඉන් රුපියල් බිලියන 4ක් නීතී විරෝධී ලෙසට හම්බන්තොට හයිට් රීජෙන්සි හොටෙල් ව්‍යාපෘතියට යොදා අවභාවිත කිරීමේ සිද්ධියක් සම්බන්ධයෙන් මූල්‍ය  අපරාධ කොට්ඨාශය පරික්ෂණ සිදුකළා.

 

 

ITN News Editor
By ITN News Editor සැප්තැම්බර් 28, 2018 11:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්