fbpx

Life+News The Official News Portal of Independent Television Network Ltd

රුපියල අවප්‍රමාණය වීම දේශපාලන ප්‍රශ්නයක් ලෙස සළකා පිළිතුරු සෙවිය නොහැකියි

ITN News Editor
By ITN News Editor සැප්තැම්බර් 26, 2018 15:37

රුපියල අවප්‍රමාණය වීම දේශපාලන ප්‍රශ්නයක් ලෙස සළකා පිළිතුරු සෙවිය නොහැකියි

රුපියල අවප්‍රමාණය වීම දේශපාලන ප්‍රශ්නයක් ලෙස සළකා කිසිසේත්ම පිළිතුරක් සොයා ගැනීමට නොහැකි බවත් මෙවැනි තත්ත්වයක් තුළ අපේ තිබෙන දුර්වලතා කුමක්දැයි සොයා බලා එයින් ප්‍රයෝජනය ගත යුතු බවත් ඒවට අනුකූලව පැහැදිළි දිගුකාලීන පියවර ගැනීම තුළින් මෙවැනි තත්ත්වයන්ට මුහුණ දීමට හැකියාව පවතින බවත් ජාතික විද්‍යා පදනමේ සමාජ විද්‍යාව පිළිබඳ ක්‍රියාකාරි කමිටුවේ සභාපති මහාචාර්ය එස්.ටී.හෙට්ටිගේ මහතා පවසයි.

ඩොලරයේ වටිනාකම ඉහළ යෑම හේතුවෙන් රුපියල අවප්‍රමාණය වීම සම්බන්ධව දේශීය වශයෙන් කටයුතු කළ යුතු ආකාරය පිළිබඳව රජයේ නිලපුවත් වෙබ් අඩවියට විශේෂ ප්‍රකාශයක් කරමින් මහාචාර්ය එස්.ටී. හෙට්ටිගේ මහතා මේ බව පැවසී ය.

රුපියල අවප්‍රමාණය වීමේ ගැටළුව දෙස බැලිය යුත්තේ හදිසියේ ඇති වූ තත්ත්වයක් ලෙස නොවේ. යම්කිසි අවස්ථාවක විවිධ හේතු නිසා එහි යම් යම් උච්චාවචනයන් වෙන්න පුළුවන්. දිගුකාලීනව කොහොමද වෙනස්කම්
ඇති වුණේ කියලා බලන්න අවශ්‍යයි. රුපියලේ අගය පසුගිය දසක පහතුළ එකදිගටම සිදුව තිබෙන්නේ අවප්‍රමාණය වීමයි. විදේශීය මුදල් ඒකක සමඟ සන්සන්දනය කරන විට ක්‍රමක් ක්‍රමයෙන් අඩුවීමක් දකින්නට ලැබෙනවා. මේ අවප්‍රමාණය හේතු සොයන්නට අවශ්‍යයි. මේ ප්‍රධාන වශයෙන් රටේ ආර්ථික ව්‍යුහය පිළිබඳ ප්‍රශ්නයක්.

ආර්ථිකයේ ව්‍යුහය පිළිබඳව අපි කල්පනා කරන්නේ නැතිව,මෙය වෙනම ප්‍රශ්නයක් ලෙස සළකා, මෙය දේශපලන ප්‍රශ්නයක් ලෙස සළකා කිසිසේත්ම පිළිතුරක් සොයන්න පුළුවන්කමක් නෑ. මෙවැනි තත්ත්වයක් අප
ප්‍රයෝජනයට ගත යුත්තේ, අපේ තිබෙන දුර්වලතා කුමක්දැයි සොයා බැලීමටයි. අපේ අර්ථිකයේ සහ සමාජ ක්‍රමය තුළ පවතින දුර්වලතා මොනවාද කියලා සොයා බලා,ඒවට අනුකූලව පැහැදිළි දිගුකාලීන පියවර ගැනීම තුළින්
පමණයි මෙවැනි තත්ත්වයන්ට මුහුණ දීමට පුළුවන්කම ලැබෙන්නේ.

අප විදේශවලින් ගන්න භාණ්ඩවලට ගෙවීමට අපට ආදයම් වශයෙන් අපේ රටෙන් යවන භාණ්ඩවලින් ලැබෙන්නේ සියට පනහකට පොඩ්ඩක් වැඩියෙන්. මේ වෙළඳ ශේෂයේ පරතරය තබාගෙන අපට ඉදිරියට යන්න
හැකියාවක් නෑ. අප බැලිය යුතුයි කෙසේ හෝ අපේ ආර්ථිකයේ ප්‍රතිව්‍යුහගතකිරීම තුළින් දිගුකාලීන විසඳුමක් සොයන්න පමණක් නොව අපේ රටේ නිෂ්පාදනය කළ හැකි සියලු දේ නිෂ්පාදනය කිරීම සහ විදේශීය භාණ්ඩ මත
යැපීමේ ප්‍රවණතාවය හැකිතාක් දුරට අවම කර ගැනීමයි.

ITN News Editor
By ITN News Editor සැප්තැම්බර් 26, 2018 15:37

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්