දිවයිනේ බොහෝ ප්රදේශවල ප්රධාන වශයෙන් වැසි රහිත කාලගුණ තත්වයක් පවතින බව කාලගුණ විද්යා දෙපාර්තමේන්තුව පවසයි.මාතලේ,හම්බන්තොට සහ මොණරාගල දිස්ත්රික්කවල විටින් විට හමන පැ.කි.මී. 40-50 දක්වා තරමක තද සුළං ඇතිවිය හැක.දෘශ්ය ලෙස සූර්යයා දකුණට ගමන් කිරීමේදී, අගෝස්තු මස 28 වන දින සිට සැප්තැම්බර් 07 දක්වා ශ්රී ලංකාව ආසන්න අක්ෂාංශ වලට සෘජුවම ඉහලින් පවතී. හෙට දින(07) දහවල් 12.08 බූස්ස, අක්මීමන, අකුරැස්ස, කඹුරුපිටිය, හක්මන සහ දෙනගම යන ප්රදේශවලට ඉතා ආසන්නව හිරු මුදුන්ව පවතී.
දිවයින වටා වන මුහුදු ප්රදේශවල ප්රධාන වශයෙන් වැසි රහිත කාලගුණ තත්ත්වයක් පවතී.දිවයින වටා වන මුහුදු ප්රදේශවල සුළං බස්නාහිර හෝ නිරිත දෙසින් හමන අතර සුළගේ වේගය පැ.කී.මී. 30-40 පමණ වේ.හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 50-60 දක්වා වැඩිවීමේ හැකියාවක් පවතී. එවිට, එම මුහුදු ප්රදේශ රළු විය හැක.පුත්තලම සිට කන්කසන්තුරය හරහා ත්රිකුණාමලය දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී.45-55 දක්වා වැඩිවීමේ හැකියාවක් පවතී. එවිට, එම මුහුදු ප්රදේශ තරමක් රළු විය හැකි බව කාලගුණ විද්යා දෙපාර්තමේන්තුව පවසයි.