fbpx

Life+News The Official News Portal of Independent Television Network Ltd

දේශ සීමා ආරක්ෂාව සම්බන්ධයෙන් උපරිම ව මැදිහත් වෙනවා – ඕස්ට්‍රේලියා නව අගමැති ස්කොට් මොරිසන්

ITN News Editor
By ITN News Editor සැප්තැම්බර් 5, 2018 13:41

දේශ සීමා ආරක්ෂාව සම්බන්ධයෙන් උපරිම ව මැදිහත් වෙනවා – ඕස්ට්‍රේලියා නව අගමැති ස්කොට් මොරිසන්

ඔස්ට්‍රේලියාව හා එහි දේශ සීමා ආරක්ෂා කිරීම උදෙසා ලිබරල් පක්ෂය සතුව මනා වැඩපිළිවෙලක් හා හැකියාවක් පවතින බව ඕස්ට්‍රේලියා අගමැති ස්කොට් මොරිසන් පවසනවා. ග්‍රීන්ස් හෝ කම්කරු පක්ෂ සතුව එවන් බල සම්පන්න බවකින් හෙබි ඉදිරිගාමී වැඩපිළිවෙලක් පවතින බව ද ඔහු කියා සිටියා. බෝට්ටුවලින් පැමිණෙන්නන්ගෙන්  ඕස්ට්‍රේලියා දේශ සීමා මෙන්ම ජනතාව රැක ගැනීමේ සමත්කම පීටර් ඩටන් සතුව පවතින බවට තමන් තුළ වන විශ්වාසය හේතුවෙන් ඔහුට නැවත වරක් ස්වදේශ කටයුතු අමාත්‍ය ධුරය බාර ගැනීමට ආරාධනා කළ බවද අගමැතිවරයා සඳහන් කළා.

තවද නව ආගමන අමාත්‍ය ඩේවිඩ් කොල්මාන් දේශසීමා ආරක්ෂණ කටයුතු සහ සරණාගත කාරණා සම්බන්ධයෙන් සිය උපරිම මැදිහත්වීම යොදන බවට තමන් අපේක්ෂා කරන අතර ඕස්ට්‍රේලියා රැඳවුම් මධ්‍යස්ථානවල සිටින රැකවරණ පතන්නන් සම්බන්ධයෙන් ක්‍රියාකිරීමේ දී මෙම ප්‍රවේශය නම්‍යශීලී බවක් ගනු ඇති බවද ස්කොට් මොරිසන් කියා සිටිනවා.

“ආණ්ඩුවේ දේශසීමා ආරක්ෂණ ප්‍රතිපත්තිය පිළිබඳ සියල්ලන්ම හොඳින් දන්නා අතර, එය දුර්වල වීමට කිසිවිටෙක ඉඩ තබන්න බැහැ.  ඕනෑම මොහොතක අපගේ දේශසීමාවන්ට බාධා කිරීමට පෙළඹෙන්නන් සම්බන්ධයෙන් ක්‍රියාත්මක වීමට අපි නොපැකිලෙන බව ජනතාව තේරුම් ගත යුතුයි.” අගමැතිවරයා අදහස් දක්වමින් කියා සිටියේ එවැන්නක්.

ඔස්ට්‍රේලියාවට බෝට්ටු මගින් අනවසරයෙන් පැමිණෙන්නන් නවතාලීමට තමන් පියවර ගත්තේ ‘ මුහුද මැද මිය යන පිරිස් හා දරුවන් දැකීමෙන් තමන්ද රෝගී වූ නිසා ය’යි අගමැතිවරයා තවදුරටත් සඳහන් කර සිටියා.

ITN News Editor
By ITN News Editor සැප්තැම්බර් 5, 2018 13:41

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්

Thank you for taking time to Vote for us at BestWeb.lk 2020

logo