fbpx

Life+News The Official News Portal of Independent Television Network Ltd

පොළොන්නරුව වකුගඩු රෝහලේ ඉදිකිරීම් ජනපතිගේ හදිසි නිරීක්ෂණයට

ITN News Editor
By ITN News Editor ජූනි 28, 2018 17:33

පොළොන්නරුව වකුගඩු රෝහලේ ඉදිකිරීම් ජනපතිගේ හදිසි නිරීක්ෂණයට

පොළොන්නරුව ජාතික වකුගඩු රෝහලේ ඉදිකිරීම් ජනාධිපති මෛත්‍රීපාල සිරිසේන මැතිතුමාගේ නිරීක්ෂණයට ලක්වුණා. ඉදිකිරීම් කඩිනම් කර එහි ප්‍රතිලාභ වකුගඩු රෝගී ජනතාව වෙනුවෙන් ලබා දීමේ අවශ්‍යතාව ජනාධිපතිතුමා මෙහිදී නිලධාරීන්ට පෙන්වා දුන්නා.

චීන රජයෙන් ජනාධිපතිතුමා කළ ඉල්ලීමකට අනුව මිත්‍රශීලී පරිත්‍යාගයක් ලෙසයි ජාතික වකුගඩු රෝහල පොළොන්නරුවේ ඉදිකෙරෙන්නේ. රෝහල ඉදිකෙරෙන භූමිය වෙත ගිය ජනාධිපතිතුමා එම කටයුතු සොයා බැලුවා. දකුණු ආසියාවේ විශාලතම වකුගඩු රෝහල ලෙස මෙය ඉදිකෙරෙනවා. ඊට වැය කෙරෙන මුදල රුපියල් මිලියන දොළොස්දහසක්. ලොව නවීනතම පරීක්ෂණාගාර සහ අධිතාක්ෂණික පහසුකම් රෝහල තුළ ස්ථාපනය කිරීමට නියමිතයි. 2020 වසරේ ජූලි මාසය වන විට ඉදිකිරීම් අවසන් කිරීම සැලසුමයි.

රෝහල ඉදිකෙරෙන භූමිය නිරීක්ෂණයෙන් අනතුරුව ජනාධිපතිතුමා පරාක්‍රම සමුද්‍රය පරිශ්‍රය වෙත පැමිණ ටික වේලාවක් එහි රැඳී සිටියා. පොළොන්නරුව පුදබිමට පැමිණි ජනතාවගෙන් තොරතුරු විමසමින් සුහද කතාබහක නිරතවීමට ජනාධිපතිතුමා අමතක කළේ නැහැ. වන්දන්කරුවන් ද සිය ගැටලු ජනාධිපතිතුමා වෙත ඉදිරිපත් කළා.

 

 

ITN News Editor
By ITN News Editor ජූනි 28, 2018 17:33

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්