fbpx

Life+News The Official News Portal of Independent Television Network Ltd

කර්මාන්ත ක්‍ෂේත්‍රයේ නවෝත්පාදන දැනුම පාසැල් සිසුන්ටත් ලබා දිය යුතුයි

ITN News Editor
By ITN News Editor ජූනි 24, 2018 11:42

කර්මාන්ත ක්‍ෂේත්‍රයේ නවෝත්පාදන දැනුම පාසැල් සිසුන්ටත් ලබා දිය යුතුයි

කර්මාන්ත සංවර්ධනය කිරීම සඳහා නවෝත්පාදන අවශ්‍ය වන බවත් එය වඩාත් සාර්ථක කර ගැනීමට නම් කර්මාන්ත ක්‍ෂේත්‍රයේ නවෝත්පාදන දිරිගැන්වීම සඳහා එම දැනුම පාසැල් සිසුන්ගේ ද්වීතීක අධ්‍යාපන මට්ටමට ඇතුළත් කිරීමට පියවර ගත යුතු බවත් කර්මාන්ත හා වාණිජ කටුයුතු අමාත්‍ය රිෂාඩ් බදියුදීන් මහතා පවසයි.අමාත්‍යවරයා මේ බව පැවසුවේ කොළඹ සිරිමාවෝ බණ්ඩාරනායක ජාත්‍යන්තර ප්‍රදර්ශන මාධ්‍යස්ථානයේදී “INCO 2018” (ඉන්කෝ 2018) කර්මාන්ත ප්‍රදර්ශනයේ දෙවන දිනයේ ප්‍රධාන ආරාධිතයා ලෙස සහභාගී වෙමිනි.

කර්මාන්ත හා වාණිජ කටයුතු අමාත්‍යාංශයේ හා සමාජ සුභ සාධන හා ප්‍රාථමික කර්මාන්ත අමාත්‍යාංශයේ සංවිධානයෙන්, ශ්‍රී ලංකා වරලත් ඉංජිනේරු ආයතනය මෙම INCO 2018 ප්‍රදර්ශනය සංවිධානය කරති. මෙම ප්‍රදර්ශනයේ මෙවර තේමාව වන්නේ කර්මාන්ත සංවර්ධනයට නවෝත්පාදන යන්නයි.2002 වසරේදී මුල්වරට ආරම්භ කරන ලද මෙම INCO 2018 කර්මාන්ත ප්‍රදර්ශනය මෙවර පැවැත්වෙන්නේ 16 වැනි වරටය. ශ්‍රී ලංකාවේ කර්මාන්ත අංශයේ නවෝත්පාදන ක්‍ෂේත්‍රයේ සංවර්ධනය උදෙසා මෙම ප්‍රදර්ශනයෙන් සුවිශේෂී මෙහෙවරක් ඉටු වේ. මෙහි දෙස් විදෙස් මෙන්ම කුඩා හා මධ්‍ය පරිමාණයේ ප්‍රදර්ශන කුටි 250 කට අධික ප්‍රමාණයක් ඇත. මෙම ප්‍රදර්ශනය පෙ.ව. 10.00 සිට රාත්‍රී 8.30 දක්වා පැවැත්වේ.

මෙහිදී වැඩි දුරටත් අදහස් දක්වමින් කතා කළ අමාත්‍ය රිෂාඩ් බදියුදීන් මහතා මෙසේද පැවසීය.

“පසුගිය වසර 15 පුරාම INCO ප්‍රදර්ශනය මඟින් අපේ කර්මාන්ත ක්‍ෂේත්‍රයේ සුවිශේෂී සංවර්ධනයක් මෙන්ම නවෝත්පාදනය පිළිබඳව ජනතාව දැනුවත් කිරීමට සුවිශාල මෙහෙවරක් ඉටු කරනු ලැබුවා. මෙම INCO ප්‍රදර්ශනය අනාගතයේදී ආසියාවේ ප්‍රධානතම කාර්මික ප්‍රදර්ශනය බවට පත් වෙන බව මම කර්මාන්ත ඇමතිවරයා ලෙස විශ්වාස කරනවා. ඒ වගේම මෙම INCO ප්‍රදර්ශනය ශ්‍රී ලංකාවේ ව්‍යාපාර – ව්‍යාපාර අතර පවතින පෙරමුණේම තිබෙන ප්‍රදර්ශනයක් ලෙසත් හඳුන්වන්න පුලුවන්. ඒ වගේම මෙම ප්‍රදර්ශනය මඟින් අපගේ ව්‍යාපාර සඳහා නවෝත්පාදක සහ නව තාක්ෂණය භාවිතා කරන ආකාරය ගැන අත්හදා බැලීමටත් පුලුවන්. අපගේ කර්මාන්ත ක්‍ෂේත්‍රයේ සංවර්ධනය සඳහා නව නිෂ්පාදන, නව තාක්ෂණය, නව නිර්මාණ වැනි නවෝත්පාදන අවශ්‍ය වෙනවා. ඒ වගේම නිපුණතාවයෙන් යුත් ව්‍යවසායකයින්ද අපගේ කර්මාන්ත ක්ෂේත්‍රයට අවශ්‍ය වෙනවා. ඒ සඳහා අපගේ ජනාධිපති මෛත්‍රීපාල සිරිසේන මහතා හා අගමැති රනිල් වික්‍රමසිංහ මහතා ඇති කර තිබෙන ආර්ථික සංවර්ධන සැලැස්ම ඉතා වැදගත් වෙනවා.

2017 ගෝලීය නවෝත්පාදක දර්ශකයේ 90 වැනි ස්ථානය අපේ රටට ලැබිලා තියෙනවා. එය ලෝකයේ අනෙකුත් රටවල් සමඟ බලන විට අඩු අගයක් වෙනවා. ඒ නිසා එය ඉහළට නැංවීම සඳහා අප ක්‍රියා කළ යුතු වෙනවා. ඒ සඳහා අපි පාසැල් පද්ධතිය තුළින් අධ්‍යාපනයට මේ නවෝත්පාදන සංකල්පය ඇතුළත් කිරීමට පියවර ගැනීම ඉතා වැදගත් වෙනවා. ඒ වගේම මෙම INCO ප්‍රදර්ශනය තුළින් අපගේ නවෝත්පාදන නිෂ්පාදකයින්ට තම ඉලක්කගත වෙළෙඳපොළට යාමටත්, තම සන්නාම නාම දැනුවත් කිරීමටත් හැකි වෙනවා. මෙම වර්ෂයේ INCO ප්‍රදර්ශනය තුළින් ඉංජිනේරු ක්‍ෂේත්‍රයේ ස්වරූප 07 ක් ගැන දැනුවත් කෙරෙනවා. එම නිසා ඒ දැනුම අපගේ ව්‍යාපාර සංවර්ධනය කර ගැනීමට හෙතු වෙනවා. ඒ වගේම දේශීය හා විදේශීය ආයෝජකයින්ට වාර්ෂිකව ඔවුන්ට ගැලපෙන නිෂ්පාදකයින්, සැපයුම්කරුවන් හමුවීමට වගේම වෘත්තිකයන් හා බෙදාහරින්නන් හමු වීමටත්, භාණ්ඩ හා ‍සේවා ප්‍රවර්ධන කිරීමටත් අවස්ථාව සැලසෙනවා.” යැයි පැවසීය.

මෙම අවස්ථාවට INCO 2018 ප්‍රදර්ශනයේ සභාපති ඉංජිනේරු බී.එස්. පෙරේරා, මාග ආයතනයේ සභාපති ඉංජිනේරු කපිතාන් එම්.ඩී. කුලරත්න, ඉන්කෝ ප්‍රදර්ශන ව්‍යාපාතියේ සභාපති ඉන්ජිනේරු සුසන්ත පෙරේරා මහත්වරු ඇතුලු පිරිසක් සහභාගී විය.

ITN News Editor
By ITN News Editor ජූනි 24, 2018 11:42

ව්‍යාපාරික පුවත්- තවත් මෙතනින්

විශ්ලේෂණ- තවත් මෙතනින්

විශේෂාංග- තවත් මෙතනින්

විනිමය අනුපාත

CountryBuyingSelling
Dollar174.31178.06
USA
Pound219.38226.29
UK
Euro195.48202.19
EU
Yen1.591.65
Japan
Yuan25.1126.28
China
Dollar120.42125.45
Australia
CountryCurrencyRate
Dinar467.71
Dinar580.41
Riyal457.99
Riyal48.42
Riyal47.01
Dirham48.00