දිවයින හරහා සහ දිවයින අවට මුහුදු ප්රදේශ වල සුළගේ වේගය වැඩිවීමේ හැකියාව ඉදිරි දිනවලදීත් තවදුරටත් පවතින අතර දිවයිනේ නිරිත දිග කොටසේ වැසිතත්වයේ සුළුවශයෙන් වැඩිවිමක් ද ඉදිරි දිනවලදී (අද දින සිට ජුලිමස 17 දිනදක්වා) ඇති වියහැකි බව කාලගුණ විද්යා දෙපාර්තමේන්තුව පවසයි.බස්නාහිර, සබරගමුව සහ මධ්යම පළාත්වලත් ගාල්ල සහ මාතර දිස්ත්රික්කවලත් විටින් විට වැසි ඇති වනඅතර සමහර ස්ථාන වලට මි.මී.50 ට වැඩි තරමක් තද වැසි බලාපොරොත්තු විය හැක.වයඹපළාතේ වැසි වාර කිහිපයක් ඇතිවේ.දිවයින හරහා විටින් විට හමන පැ.කි.මී. 50-60 දක්වා ප්රහාරාත්මක සුළං (Gusty winds) ඇතිවිය හැකියි.
දිවයින අවට මුහුදු ප්රදේශ වල සුළගේ වේගය වැඩිවීමේ හැකියාව ඉදිරි දිනවලදීත් තවදුරටත් පවතී.පුත්තලම සිටකොළඹ සහ ගාල්ල හරහා මාතර දක්වා වන මුහුදු ප්රදේශවල වැසි වාර කිහිපයක් ඇති වේ.දිවයින වටා වන මුහුදු ප්රදේශවල සුළං නිරිත දිශාවෙන් හමන අතරසුළගේ වේගය පැ.කි.මී. 35-45ක් පමණ වේ.මීගමුව සිට පුත්තලම, කන්කසන්තුරය සහ ත්රිකුණාමලය හරහා මඩකලපුව දක්වා සහ හම්බන්තොට සිට පොතුවිල් දක්වා වන මුහුදු ප්රදේශවල සුළගේ වේගය විටින් විට පැ.කි.මී. 60-65 දක්වා වැඩිවිය හැකි අතර, එවිට එම මුහුදු ප්රදේශ ඉතා රළු විය හැක.සෙසු මුහුදු ප්රදේශවල ද සුළගේ වේගය විටින් විට පැ.කි.මී. 50 දක්වා වැඩිවිය හැකි අතර, එවිට එම මුහුදු ප්රදේශ රළු විය හැක.ධීවර සහ නාවුක ප්රජාව මේ පිලිබදව ඉතා අවධානයෙන් කටයුතු කරන ලෙස කාලගුණ විද්යා දෙපාර්තමේන්තුව ඉල්ලා සිටිනවා.