ඇත්තටම මොකක්ද ආදරය කියන්නේ ඒක හරියට අඳුන ගත්ත පුද්ගලයෙක් ඉන්නවද?
කෙනෙක් කියනවා ඒක පරිත්යගයක් කියලා. කෙනෙක් කියනවා ඒක ප්රීතිය නැත්නම් සතුට කියලා.
තව කෙනෙක් කියනවා ඔය දෙකම කියලා. තව කෙනෙක් කියනවා ඒක එකිනෙකා හඳුනා ගැනීම කියලා.
අනේ මන්ද කට්ටිය එක එක අර්ථකතන දෙනවා ආදරයට. එවුනාට ආදරය හරියට අදුන ගත්ත කෙනෙක් හොයා ගන්න අමාරුයි වගේ. හැමෝම වගේ ආදරය කරනවා,කරලා තියෙනවා වනේ එවුනාට ආදරය හරියට අදුන ගත්ත කෙනෙක් හොයා ගන්න බෑ. පුදුමයි නේද?
ආදරය අපි හැමෝම අත්දකින දෙයක්. පොඩි කාලෙ ඉදන් අපේ අම්මා අපිට ආදරේ බව අපි දන්නවා,ඒක අපිට දැනෙනවා අපි මොනව කරත් අම්මා අපිට ආදරේ බව දන්නවා. අපි නිකමටවත් හිතුවද ඒ ඇයි කියලා? නැ නේද? හිතුව නම් ගොඩක් හොදයි.
අම්ම අපිට ආදරය කරන්නේ පරිත්යගය (Sacrifice) හා ප්රීතිය (Happiness) යන දෙකම කැටි කරගෙන,අම්මා පරිත්යගයක් කරලා අපිව මේ ලෝකයට බිහිකරලා අපිව උස් මහත් කරන්න වෙහෙසෙනවා. අපි කරන හොද වැඩ වලට,අපි සමාජයේ හොද තැනකට ගියාම අම්මා නිහඩව සතුටු වෙනවා. අපි යම් කිසි දෙයකට සතුටු වෙනවා නම් අම්මත් සතුටු වෙනවා.අපි යම් කිසි දෙයකට දුක් වෙනවා නම් අම්මත් දුක් වෙනවා. ඒ කියන්නේ අපි හැගීම් බෙඳා ගන්නවා(Share)
තරුණ වියට එළබෙන ඔබ යම් අයෙකුට ආදරය කිරීමට පටන් ගත්ත දා සිට ඔබටම නොතේරෙන් කුමක්දෝ අමුතුම හැඟීමක් ඔබට දැනෙන්නට ඇති. තව කෙනෙකු වෙනුවෙන් උනන්දු වෙන්න, කැප වෙන්න ඔබ වැඩිපුරුම හුරුපුරුදු වුණේ ඔබ ආදරය කරන්නට පටන් ගත්ත දවසේ ඉදලා. හැබැයි ආදරේ කරනවා කියන එක ඒ තරම් සරලව හිතන්න පුළුවන් කාරණාවක් නෙවෙයි. ආදරේ සුන්දරයි කිව්වට ඒ සුන්දරත්වය නිකම්ම ලැබෙන්නේ නැහැ.
ඒක එහෙම වෙන්න නම් දෙන්නගෙම ආකල්ප, හැසිරීම්, අපි ඒ සම්බන්දෙට දෙන වටිනාකම වගේ ගොඩක් දේවල් බලපානවා. ඒ වගේම තමයි හොඳ පෙම්වතියක් වෙන්න නම් අපි ළඟ තියෙන්න ඕන වැදගත් ලක්ෂණ ගොඩාක් තියෙනවා. කියවලා බලන්න මොනවද ඒ කියලා සහ ඔයා ළඟත් මේ දේවල් තියෙනවද කියලා.
අතීතයට සමු දෙන්න
ඔයා අනවශ්ය විදියට නිතරම අතීතය හාර හාර අවුස්සන කෙනෙක් නම් ඉතින් ඒ සම්බන්ධතාවයේ තියෙන්නේ ප්රශ්න විතරයි. සම්බන්දතාව පටන් ගනිද්දී ඔහුගේ අතීතය ගැන හොයල බලන එක ගොඩක් වැදගත්. එත් ඒ ගැන හොයලා දැන ගත්තට පස්සෙත් ඔයා සැරෙන් සැරේට එයාට කරදර කර කර අතීතය ගැන අහන එක නම් හොඳ පුරුද්දක් නෙවෙයි. හොඳ පෙම්වතියක් නම් මුල් තැන දෙන්නේ වර්තමානයට සහ ඔයාලා දෙන්නගේ අනාගතයට විතරයි. අතීතයෙන් පාඩම් ඉගෙන ගෙන අනාගතය නිවැරදිව ගොඩනගා ගන්න උත්සාහ කරන එකයි වැදගත්.
ආදරේ කියන්නේ ආදරේට මිසක් අයිතිකර ගැනීම නෙවෙයි
ආදර සම්බන්ධයකින් අපි අනිත් කෙනාගෙන් බලාපොරොත්තු වෙන්නේ ආදරය, සෙනෙහස, රැකවරණය වගේ දේවල්. ඒත් ඔයා ඒ දේවල් වෙනුවට එයාව පාලනය කරන්න, එයාට අයිතිවාසිකම් කියන්න නම් උත්සාහ කරන්නේ ඔයා අතින් මුලින් කිව්ව දේවල් මඟහැරෙනවා. එයාව අයිති කර ගන්න දඟලනවට වඩා එයාට උපරිමෙන් ආදරය කරනවා නම්, සෙනෙහස දෙනවා නම් එයා හැමදාමත් ඔයාගේ ළඟ රැඳෙනවා. එයාව අයිති කර ගන්න අමුතුවෙන් මහන්සි වෙන්න ඕන නැහැ.
සතුට
සතුට කියන්නේ අපි ළඟ තියෙන ධනය කියලනේ කියන්නේ. එහෙම කියන්නේ ඒක ඒ තරම්ම වටිනා නිසා. හොඳ පෙම්වතියක් නම් හැම විටම ඔයාලා දෙන්න අතරේ සතුට කියන දේ රඳවා ගන්න උත්සහ කරනවා. ඒ වගේම ඔය දෙන්නා අතරේ තියෙන ප්රශ්න, මත ගැටුම් වැඩි වෙද්දී සතුට කියන දේ අපි අතරින් ගිලිහිලා යනවා කියන එක තේරුම් අරන් වැඩ කරන්න. ප්රශ්න ඇති වෙන්න තියෙන අවස්ථා හැකි තරම් අවම කරගෙන සතුට රැකගෙන බැඳීම් ඉදිරියට අරගෙන යන්න උත්සාහ කරන්න. සතුටින් ඉන්න කියලා විශේෂ දේවල් කරන්න ඕන නැහැ. එකිනෙකා ළඟ ඉන්න හැම වෙලාවකම සතුටින් ඉන්න උත්සහ කරා නම් ඇති.
ප්රශ්න දුර දිග යවන්නේ නැහැ
ප්රශ්න කියන දේවල් නම් ඉතින් අපි හැමෝටම අඩුවක් නැතුව හැමදාමත් තියෙන දෙයක්නේ. ආදරේ කරද්දීත් ඉතින් ප්රශ්නවල අඩුවක් නැහැ. ඒක සාමාන්ය දෙයක්. මෙහෙම ඇති වෙන ප්රශ්න තව වැඩි කර ගන්නේ නැතුව විසඳගන්න ඔයා උත්සාහ කරනවා නම් ඇත්තටම ඔයා බුද්ධිමත් පෙම්වතියක් කියලා කියන්න පුළුවන්.
එයා ගැන නිතරම හොයල බලන්න
ඔහු යන්නේ කොහෙද, ඉන්නේ කොහෙද, මොනවද කරන්නේ කියන එක හොයල බලන එක ඇත්තටම වැදගත්. එක අතකින් ඒක ඔයාගේ වගකීමක්. හැබැයි හොයලා බලනවා කියන්නේ සැක කරනවා කියන එක නෙවෙයි. සමහර අය ඉතින් හොයලා බලන්නේ කිසිම වැඩකට නැති බොරු හේතු, මනස්ගාත හිතේ තියාගෙනනේ. එත් ඔයා එයාව සැක කරනවා කියලා එයාට තේරුනොත් ඔයාලා අතරේ ප්රශ්න ඇති වෙන්න ඒක ප්රධානම හේතුවක් වෙනවා. අවංකවම ඔයා එයා ගැන හොයලා බලනවා නම්, වද වෙනවා නම් ඇත්තටම ඔයා හොඳ පෙම්වතියක්.
ඔහුව වෙනස් කරන්න උත්සාහ ගන්නේ නැහැ
ආදරය කියන්නේ මොකද්ද කියන එක වගේම පෙම්වතා ගැනත් හොඳින් තේරුම් ගත්ත කෙනෙක් කිසිම වෙලාවක එයාව වෙනස් කරන්න යන්නනේ නැහැ. අපි ඉන්න විදියට, අඳින පළඳින, කතා බහ කරන විදියට තවත් කවුරුත් බලපෑම් කරනවට වත් ඒවා වෙනස් කරන්න උත්සාහ කරනවටවත් අපි කැමති නැහැනේ. මොකද ඒක තමයි අපේ අනන්යතාව. ඔහුගේ පැත්තෙනුත් අන්න ඒ විදියටම හිතනවා නම් ඔයා එයාව වෙනස් කරන්න උත්සාහ කරන්නේ නැහැ. ඔයා එහෙම කරන්න උත්සාහ කරනවා නම් ඒක ඔයා එයාගේ අනන්යතාවට කරන ලොකු හානියක්.
කෙනෙක් ආදරය දකින විදිය වෙනස් වෙන්න පුලුවන්. ආදරය කරන්න ආදරය පවත්වා ගෙන යන්න හැමදාම මුණ ගැහෙන්න ඕනද? අතින් අල්ලනම ඕනද? කතා කරන්නම ඕනද? ප්රේමණීය විදියට කතා කරන්නම ඕනද? තෑගි දෙන්නම ඕනද? මම හිතන්නේ නෑ, මම නම් ඔය එකක් වත් කරේ නෑ. ඒ වුණාට මමත් ආදරය කරනවා.ඒ කොහොමද?? අපි ආදරය කරන්නේ අපිට අවශ්ය විදියට හැබැයි එතනදී මේ දෙක අනිවාර්ය්යන්ම තියෙන්න ඕන.. ඒ මොකක්ද??
පරිත්යගය(Sacrifice) හා ප්රීතිය (Happiness) යන දෙකම එක්ක එකිනෙකා තේරුම් ගැනීම අත්යවශ්ය කාරණයක් එතකොට ආදරය අර්ථවත් වෙයි කියලා මම හිතනවා..
ප්රේමය කෙතරම් සුන්දර දෙයක් වුවත් ,ප්රේමය යනු හදවතින් විදිය යුතු නමුත් බුද්ධියෙන් තීරන ගත යුතු උතුම් වු මානුශීය හැගිමක් කියලයි මම නම් හිතන්නේ .
ඒ වගේම මම මුලින් කිව්ව කරුණු ටිකත් මතකේ තියාගෙන ආදරේ කරනවා නම් ඔයාටත් හොද පෙම්වතියක් වෙන්න පුළුවන්….
(අන්තර්ජාල තොරතුරු ඇසුරින් )