Life+News The Official News Portal of Independent Television Network Ltd

නාලක ද සිල්වාට බන්ධනාගාරයේදී විශේෂ ආරක්ෂාවක්

ITN News Editor
By ITN News Editor ඔක්තෝබර් 26, 2018 12:32

නාලක ද සිල්වාට බන්ධනාගාරයේදී විශේෂ ආරක්ෂාවක්

හිටපු නියෝජ්‍ය පොලිස්පති නාලක ද සිල්වා මහතාට රිමාන්ඩ් බන්ධනාගාරයේදී විශේෂ ආරක්ෂාවක් ලබාදෙන ලෙස කොටුව මහේස්ත්‍රාත් ලංකා ජයරත්න මෙනවිය බන්ධනාගාර කොමසාරිස් ජෙනරාල්වරයාට නියෝග කළා. ඒ   ලබන මස 7 වන දින දක්වා ඔහු රක්ෂිත බන්ධනාගාර ගත කිරීමට නියෝග ලබාදුන් අවස්ථාවේයි. ඒ අනුව ඔහුට බන්ධනාගාරය මගින් විශේෂ ආරක්ෂාවක් ලබාදී තිබෙනවා.

ජනාධිපතිතුමා සහ හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු කිහිප දෙනෙකු ඝාතනයට කුමන්ත්‍රණය කළ බවට නාලක ද සිල්වා මහතාට චෝදනා එල්ලවී තිබෙනවා. ඒ සම්බන්ධයෙන් ප්‍රකාශයක් ලබාදීම සදහා ඔහු අපරාධ පරීක්ෂණ දෙපාර්තමේන්තුවට ඊයේ පැමිණියේ පස්වන දිනටයි. එහිදී කළ ප්‍රශ්න කිරීම්වලින් අනතුරුව ඔහු අපරාධ පරීක්ෂණ දෙපාර්තමේන්තුව මගින් ඔහු අත්අඩංගුවට ගැණුනා.

ඉන් පසු කොටුව ප්‍රධාන මහේස්ත්‍රාත්වරියගේ නිල නිවස වෙත රැගෙන ගොස් මහේස්ත්‍රාත්වරිය වෙත ඉදිරිපත් කෙරුණා. එහිදී මහේස්ත්‍රාත්වරිය නියෝග කළේ නාලක ද සිල්වා මහතා ලබන 7 වනදා තෙක් රක්ෂිත බන්ධනාගාර ගත කරන ලෙසයි. බන්ධනාගාරයේ දී විශේෂ ආරක්ෂාවක් සපයන ලෙසද මහේස්ත්‍රාත්වරිය නියෝග කළා. ඒ මහතා වැලිකඩ බන්ධනාගාරය වෙත ඊයේ රාත්‍රියේ රැගෙන එනු ලැබුවේද ආරක්ෂාව සහිතවයි.

මේ අතර නාලක ද සිල්වා මහතාට ඇති රෝග තත්ත්වයන් සම්බන්ධයෙන් අවදානය යොමුකරන ලෙසද මහේස්ත්‍රාත්වරිය නියෝග කළා. ඒ ඔහු වෙනුවෙන් ලැබුණු ඉල්ලීම් සලකා බැලීමෙන් අනතුරුවයි.

ITN News Editor
By ITN News Editor ඔක්තෝබර් 26, 2018 12:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්