Life+News The Official News Portal of Independent Television Network Ltd

නාසා ආයතනයට අවුරුදු 60 යි

ITN News Editor
By ITN News Editor ඔක්තෝබර් 1, 2018 18:08

නාසා ආයතනයට අවුරුදු 60 යි

මානව ඉතිහාසයේ විද්‍යාව හා තාක්‍ෂණය දැවැන්ත පරිවර්තනයකට ලක් කිරීමට පාදක වූ නාසා ආයතනය අද සිය 60 වන සංවත්සරය සමරනවා.

ජාතික අවකාශ තරණ හා අභ්‍යවකාශ පරිපාලන ආයතනය හෙවත් නාසා ආයතනය ආරම්භ වන්නේ 1958 වසරේ ඔක්තෝබර් 1 වනදායි. නාසා ආයතනය ආරම්භ කර දශකයකට පසු ප්‍රථම වරට සඳ මතට ගගනගාමියෙකු පිටත් කර හැරීමට ද හැකි වුණා. එම ආයතනය ගෙවී ගිය වසර 60 ක කාලය තුළ අභ්‍යවකාශ මෙහෙයුම් දහසකට අධික සංඛ්‍යාවක්  හා ගගනගාමීන් 200 දෙනෙකුට වැඩි පිරිසක් අභ්‍යවකාශ ගත කරමින් මෙහෙයුම් රැසක් සිදු කළා. නාසා ආයතනයේ මේ වන විට දාහත්දහසකට අධික සේවක පිරිසක් සේවයේ නිරතවනවා. 2400කට අධික විද්‍යාඥයින් පිරිසක් ඒ අතර වනවා. නාසා ආයතනයේ සේවය කරන විද්‍යාඥයින් අතරින් 263 දෙනෙකුම ශ්‍රී ලාංකිකයින් වීම විශේෂත්වයක්. නාසා ආයතනය 2020 වසරේදී අඟහරු ගවේෂණ යානාවක් අභ්‍යවකාශ ගත කිරීමට මේ වන විටත් සැලසුම් කර තිබෙනවා. ජේම්ස් වෙබ් අභ්‍යවකාශ ටෙලෙස්කෝපය ද නාසා ආයතනය අනාගතය වෙනුවෙන් නිර්මාණය කර ඇති විශිෂ්ට තාක්‍ෂණික මෙවලමක්. විශ්වයේ බොහෝ අපැහැදිලි තැන් එමගින් හෙළිකර ගැනීමට හැකිවන බවයි විද්‍යාඥයින් පවසන්නේ. මේ වසරේ අප්‍රේල් මාසයේදී අභ්‍යවකාශගත කෙරුණු ටෙස් නමැති චන්ද්‍රිකාව මගින් සෞරග්‍රහ මණ්ඩලයට පිටතින් පිහිටි තරු ලක්‍ෂ 2 ක් පිළිබඳ තොරතුරු ලබා ගැනීමට අපේක්‍ෂා කෙරෙනවා. 2020 දශකයේදී බ්‍රහස්පති ග්‍රහයාගේ තොරතුරු සෙවීමට ද තවත් අභ්‍යවකාශ යානයක් උඩුගුවන් ගත කෙරෙනු ඇති.

 

ITN News Editor
By ITN News Editor ඔක්තෝබර් 1, 2018 18:08
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

ව්‍යාපාරික පුවත්- තවත් මෙතනින්

ක්‍රීඩා පුවත්- තවත් මෙතනින්

රස බර- තවත් මෙතනින්